Tariki 19 Mata nibwo Kayigamba yafashe indege iva i Sydney aho asanzwe atuye yerekeza muri Leta ya Victoria mu Mujyi wa Melbourne, aho umukunzi we aba.

Uru rugendo rw’isaha n’iminota 45 mu ndege, Kayigamba yarukoze afite gahunda yo kwambika impeta umukunzi we bemeranyije no kubana.

Mu mafoto IGIHE yabashije kubona, Kayigamba yagiye gusaba umukunzi we ko bazabana, aherekejwe n’inshuti ze zirimo umuhanzi Umutare Gaby.

Kayigamba Theophane ni umwe mu banyamakuru b’imikino bubatse izina mu Rwanda. Yavuye i Kigali mu 2018. Umukunzi we Hirwa Divine amaze muri Australia imyaka 15.

Uyu munyamakuru yamenyekanye mu bitangazamakuru nka City Radio, Contact FM, Radio1 na TV1.

Kayigamba mu munyenga w'urukundo n'umukunzi we bamaze kwiyemeza kurushingana

Hirwa Divine yamaze kwemerera Kayigamba kumubera umugore

Umutare Gaby usanzwe ari inshuti ya Kayigamba ari mu bamuherekeje mu birori byo kwambika impeta iyi nkumi

Uretse umutare Gaby, ibirori byo kwambika impeta uyu mukobwa byitabiriwe n'inshuti zabo

Kayigamba aherutse gutera ivi asaba Hirwa Divine kuzamubera umugore

Umutare Gaby yishimiye Kayigamba n'umukunzi we bateye indi ntambwe