00:00:00 IGIHE NETWORK KN KINYARWANDA EN ENGLISH FR FRANCAIS

Umunyamakuru Cyuzuzo yakowe (Amafoto)

Yanditswe na Mahoro Vainqueur
Kuya 6 Ugushyingo 2022 saa 07:40
Yasuwe :

Umunyamakuru wa Kiss FM, Cyuzuzo Jeanne d’Arc unamenyerewe mu Kiganiro ‘Ishya’ gitambuka kuri Televiziyo y’u Rwanda yasabwe aranakobwa na Thierry Eric Niyigaba.

Ibi birori byabaye kuri uyu wa Gatandatu, tariki ya 5 Ugushyingo 2022, nyuma y’amezi 11 yambitswe impeta na Thierry Eric Niyigaba bamaze igihe kinini bakundana.

Uyu muhango wo gusaba no gukwa wabereye mu Karere ka Huye mu Ntara y’Amajyepfo witabiriwe n’inshuti n’umuryango wa Cyuzuzo na Niyigaba.

Ibi birori bibaye nyuma y’iminsi 14, Cyuzuzo akorewe ibirori byo gusezera ubukumi bizwi nka ’bridal shower’, hagati aho umuhango wo gusezerana imbere y’Imana uteganyijwe muri uku kwezi k’Ugushyingo.

Uyu muhango wo gusaba no gukwa witabiriwe n’abarimo Andy Bumuntu, Antoinette Niyongira, Aissa Cyiza, Sandrine Isheja Butera, Mucyo Kago Christella n’abandi.

Ibi birori bibaye nyuma y’aho ku mugoroba wa tariki 5 Ukuboza 2021, aribwo Cyuzuzo yasangije abamukurikira amafoto y’umuhango yambikiwemo impeta na Thierry Eric Niyigaba.

Cyuzuzo amaze imyaka itari mike mu itangazamakuru aho yakoreye ibitangazamakuru bitandukanye birimo Radio 10 yamazeho imyaka itatu kuva mu 2012 kugeza 2015 ahava yerekeza ku Isango Star. Yahamaze igihe gito ahita yerekeza kuri Royal FM mu 2016 none ubu akorera Kiss FM.

Cyuzuzo Jeanne d’Arc afite Impamyabumenyi y’Icyiciro cya Kabiri cya Kaminuza mu Itangazamakuru n’Impamyabumenyi y’Icyiciro cya Gatatu cya Kaminuza “Masters” mu bijyanye n’Ububanyi n’Amahanga (International Relations).

Andy Bumuntu yaririmbiye abageni muri ibi birori byo gusaba no gukwa
Cyuzuzo na Niyigena bahoberanye biratinda
Byari ibyishimo kuri aba bombi nyuma y'uko Thierry Eric Niyigaba yari amaze gusaba Cyuzuzo ndetse umuryango ukamumuha
Niyigaba amaze igihe kinini akundana na Cyuzuzo
Thierry Eric Niyigaba yiteguye kubana akaramata n'umukunzi we Cyuzuzo
Thierry Eric Niyigaba na Cyuzuzo Jeanne d’Arc bishimiye intambwe bateye kuri uyu munsi
Thierry Eric Niyigaba yasabye anakwa Cyuzuzo Jeanne d’Arc

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .