Mu ijoro ryo kuri iki Cyumweru tariki ya 29 Gicurasi 2022, nibwo Niyobuhungiro yasabye Abayezu ko yazamubera umugore bakabana akaramata.

Amakuru yizewe agera kuri IGIHE ni uko aba bombi bari bamaze igihe kitari gito mu rukundo ariko barabigize ibanga, usibye inshuti n’imiryango ya hafi yari ibizi kandi ko ubukwe bwabo buri hafi.

Uyu musore wambitse Abayezu impeta bivugwa ko ari umucuruzi.

Abayezu ni umwe mu banyamakuru b’igitsinagore bazwi kandi babimazemo igihe kinini.

Yatangiye akora ku Isango Star nyuma yerekeza kuri Radio/TV 10 mu minsi ishize nibwo yagiye kuri RBA akora mu kiganiro cy’imyidagaduro, Amahumbezi n’izindi porogaramu.

Umunyamakuru wa RBA Abayezu Assumpta yambitswe impeta n’umukunzi we Niyobuhungiro Caleb, bari bamaze igihe mu munyenga w’urukundo

Nyuma yo kumarana igihe mu rukundo, batangiye urugendo rubaganisha ku kubana akaramata

Niyobuhungiro yasabye Abayezu ko yamubera umugore undi aramwemerera

Amarangamutima yafashe Abayezu ararira

Barebanaga akana ko mu jisho bishimira intambwe nshya bateye mu buzima bwabo

Amafoto: robert_creatorr