00:00:00 IGIHE NETWORK KN KINYARWANDA EN ENGLISH FR FRANCAIS

Umunya-Nigeria Ruger agiye gutaramira mu Rwanda

Yanditswe na Nsengiyumva Emmy
Kuya 29 January 2022 saa 07:38
Yasuwe :

Umuhanzi wo muri Nigeria, Michael Adebayo Olayinka wubatse izina mu muziki nka Ruger yatangaje ko agiye gutaramira Abanyarwanda anahishura amatariki igitaramo cye kizaberaho.

Abinyujije mu mashusho yifashe, Ruger yagize ati “Muraho neza Kigali, Ni Ruger ubaramutsa. Tariki 19 Gashyantare 2022 nzabataramira kuri Canal Olympia […]”

Uyu musore atangaje ko agiye gutaramira mu Rwanda mu gihe hashize iminsi mike cyane Inama y’Abaminisitiri ikomoreye ibitaramo bihuza abantu benshi, ibi bikaba byemerewe kongera kuba nyuma y’igihe Abanyarwanda bahanganye n’ubwandu bushya bwa Covid-19 ‘Omicron’ yamaze gucika intege bigaragara.

Ruger (izina yahawe na D’Prince wavumbuye impano ye) ni umusore mushya mu muziki ariko uri mu bagezweho muri Nigeria no muri Afurika muri rusange.

Uyu yamenyekanye cyane mu 2021 ubwo Isi yose yari ihanganye n’icyorezo cya Covid-19.

Ruger cyangwa se Mr Dior nk’uko muri iyi minsi yiyita, yazamutse cyane mu muziki nyuma yo gusinyana amasezerano y’imikoranire na D’Prince binyuze muri sosiyete ye ifasha abahanzi yitwa ‘Jonzing World Record’.

Muri Werurwe 2021 nibwo uyu musore yasohoye EP yise ‘Pendemic’ iyi ikaba yariho indirimbo yise ‘Bonuce’ yakunzwe bikomeye ituma atangira kuba inyenyeri ku bakurikirana umuziki.

Muri Gashyantare 2021, Ruger yasohoye EP ye ya kabiri yise ‘The second wave’ iyi yariho indirimbo yise Dior iri mu zubatse izina rikomeye.

Uyu musore w’imyaka 22 y’amavuko uretse izi ndirimbo ze zatumye aba ikimenyabose hari n’indi yitwa ‘One shirt’ yahuriyemo na D’Price kimwe na Rema.

Umunya Nigeria Ruger uri mu bagezweho agiye gutaramira mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .