Umulisa witabiriye Miss Rwanda 2020 yasezeranye n’umukunzi we

Yanditswe na Nsengiyumva Emmy
Kuya 26 Gashyantare 2021 saa 09:10
Yasuwe :
0 0

Kuri uyu wa Kane tariki 25 Gashyantare 2021, Umulisa Rose Mary wari mu bakobwa bahatanira ikamba rya Miss Rwanda 2020 ahagarariye Umujyi wa Kigali, yasezeranye imbere y’amategeko n’umukunzi we witwa Mugabo Fabrice.

Babinyujije ku rukuta rwabo rwa Instagram, yaba Mugabo cyangwa Umulisa basangije Isi inkuru nziza y’uko bamaze kwemeranya kubana akaramata imbere y’amategeko.

Byari ibyishimo muri uyu muryango mushya usezeranye imbere y’amategeko nyuma y’amezi hafi atanu bemeranyije kurushinga mu muhango Mugabo yambikiyemo impeta Umulisa.

Ubwo yambikwaga impeta muri Nzeri 2020, Umulisa yabwiye IGIHE ko "Mugabo tumaze imyaka 11 tuziranye ariko ntabwo twari tumaze igihe mu by’ukuri dukundana."

Umulisa usibye kuba yaritabiriye Miss Rwanda 2020 akabona itike yo guhagararira Umujyi wa Kigali ariko ntabashe kurenga amajonjora y’ibanze, yanitabiriye irushanwa rya Miss Career Africa 2019, naho ataha amara masa.

Umulisa Rosemary arahirira imbere y'amategeko kuba umufasha wa Mugabo
Mugabo asinyira isezerano yari amaze kugirana na Umulisa
Umulisa asinyira isezerano yari amaze kugirana na Mugabo
Muri Nzeri 2020 nibwo Umulisa yambitswe impeta n'umukunzi we Mugabo
Umulisa yari mu bakobwa bahataniraga ikamba rya Miss Rwanda 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .