Uyu mukinnyi wa filime yasezeranye imbere y’amategeko ku wa 12 Mutarama 2023, umuhango wabereye mu Murenge wa Kimuhurura naho abatumiwe bajya kwakirirwa ahitwa “Uncle’s Restaurant” ya Uncle Austin.

Ni umuhango witabiriwe n’abantu bake bo mu muryango w’uyu musore n’umukunzi we.

Nyuma yo gusezerana imbere y’amategeko, byitezwe ko ku wa 21 Mutarama 2023 aribwo hazaba ubukwe.

Byitezwe ko i saa tatu za mu gitondo aribwo hazaba umuhango wo gusaba no gukwa uzabera ahitwa ‘Hope Garden’ muri Niboye mu Karere ka Kicukiro.

Saa munani z’amanywa uyu muryango mushya uzasezeranira imbere y’Imana ahitwa ‘Miracle Center Church’ Kabeza, nyuma y’uyu muhango abatumiwe bazakirirwa ahitwa ‘Hope Garden’.

Ubwo bari bagiye gusezerana imbere y'amategeko

Umukonyine n'umukunzi we mu Murenge wa Kimihurura aho basezeraniye

Umukonyine yamanitse akaboko afata ku idarapo asezerana kubana akaramata n'umukunzi we

Umukunzi w'Umukonyine nawe yemereye uyu mukinnyi ko bazabana akaramata

Nyuma yo gusezerana imbere y'amategeko basinye hifashishijwe ikoranabuhanga

Umukonyine ashyira umukono ku masezerano

Nyuma yo gusezerana byabarenze barahoberana

Nyuma yo gusezerana bafatanye ifoto y'urwibutso

Umukonyine wamamaye muri filime ‘Umuturanyi’ yasezeranye imbere y’amategeko

Isengesho imbere ya byose, Umukonyine n'umukunzi we babanje kwiragiza Imana

Nyuma yo gusezerana bagiye gusangirira muri 'Restaurant' ya Uncle Austin