Umujyi wa Huye ugiye kwakira imbumbe y’ibirori bya Silent Disco na Pool Party

Yanditswe na Nsengiyumva Emmy
Kuya 13 Ugushyingo 2019 saa 11:23
Yasuwe :
0 0

Mu rwego rwo kubyutsa no kongera gushyushya Umujyi wa Huye wahoze uzwi cyane mu myidagaduro ukaza kugenda ukonja, abategura ibitaramo bongeye kuwuhanga ijisho no kuwuteguramo ibikorwa bigamije guhaza abawutuye ibyishimo.

Mu mpera z’iki cyumweru i Huye hazabera ibitaramo bibiri bikurikirana birimo ikizwi nka Silent Disco kimaze kumenyerwa ku bakunzi b’umuziki muri Kigali no mu tundi turere ndetse n’icya Pool Party.

Ibitaramo bya Silent Disco bitegurwa na Decent Entertainment, Kompanyi ya Muyoboke Alex.

Igitaramo iheruka gukora cyabereye mu Mujyi wa Musanze rwagati, cyitabiriwe ku buryo bushimishije ndetse utwumvisho turenga 500 twaracurujwe turashira.

Nyuma ya Musanze kuri ubu hatahiwe Umujyi wa Huye, ahazabera Silent Disco ku wa 15 Ugushyingo 2019, iki gitaramo kizabera mu busitani bw’ahimukiye “E Bus” mu mujyi hagati.

Muyoboke yabwiye IGIHE ko Huye ari ahantu hihariye kuri we kuko yahatangiriye umuziki.

Yagize ati “Natangiye iby’umuziki niga muri Kaminuza y’u Rwanda i Butare, rero ni umujyi w’amateka mu mwuga wanjye. Iyo ntekereje ibitaramo mba numva ari hamwe mu ho naheraho hakongera gushyuha nkuko kera byahoze.”

Usibye ibi birori kandi abakunzi b’ibirori i Huye banateguriwe icy’agashinguracumu aho abazakitabira bazaba bumva umuziki ariko bari no mu mazi boga “Pool Party”.

Iki gitaramo cyo kizabera muri 4 Step Hotel, biteganyijwe ko kizayoborwa na Amandah Isimbi umaze kumenyekana ku mbuga nkoranyambaga.

Usibye Isimbi uzayobora Pool Party abayitabira bazanacurangirwa n’aba Djs banyuranye barimo Dj Diallo na Dj Kixx. Igiciro cyo kwinjira muri ibi birori bizaba ari amafaranga igihumbi (1000 Frw).

Muri Silent Disco hazacuranga aba Djs bakomeye bazaba baturutse i Kigali barimo; Dj Anitha Pendo, Dj Phil Peter na Dj Diallo, bakazafatanya n’abo bazasanga i Huye nka Dj Traxx, Dj Vybz, Dj Socrate na Dj Kixx.

Kwinjira muri iki gitaramo byo bikazaba ni amafaranga 3000 Frw mu myanya isanzwe na 5000 Frw mu myanya y’icyubahiro.

Aba Djs barenga batandatu nibo bazacuranga muri Silent Disco y'i Huye
Pool Party izaba iyobowe na Amandah Isimbi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza