00:00:00 IGIHE NETWORK KN KINYARWANDA EN ENGLISH FR FRANCAIS

Umuhanzikazi Fille Mutoni yambitswe impeta n’umusore bitegura kurushinga

Yanditswe na Nsengiyumva Emmy
Kuya 26 January 2022 saa 12:47
Yasuwe :

Umuhanzikazi ufite izina rikomeye mu muziki wa Uganda, Fille Mutoni yambitswe impeta n’umusore bitegura kurushinga, biba ikimenyetso simusiga cy’uko ibye na MC Kats bakundanye kuva mu 2015 baje no kubyarana byarangiye.

Uyu mukobwa nyuma yo gutandukana na MC Kats ahagana mu 2018 yari amaze igihe kinini atavugwa mu itangazamakuru, ndetse yakunze kugaragara arigendera kure bishoboka.

Amakuru yo kwambikwa impeta kwa Fille, ni we ubwe wayitangarije abinyujije ku mbuga nkoranyambaga.

Abinyujije ku rukuta rwe rwa Instagram, Fille yasangije abamukurikira ifoto afashe indabyo mu ntoki ari kumwe n’umusore bivugwa ko yasimbuje MC Kats.

Iyi foto yayikurikije amagambo ‘Yes Yes Yes’ yari kumwe n’utumenyetso tw’impeta.

Ni ifoto yatanzweho ibitekerezo n’abakunzi b’uyu muhanzikazi barimo n’abahanzi bagenzi be bamwifurije ishya n’ihirwe mu rugendo rushya.

Uyu muhanzikazi wavutse tariki 25 Nyakanga 1991 ni umwe mu bafite amazina akomeye muri Uganda. Nubwo aba muri Uganda, akomoka ku babyeyi b’Abanyarwanda.

Yakoranye n’abahanzi bakomeye muri iki gihugu barimo Radio&Weasel, mu Rwanda yanakoranye na Bruce Melodie iyitwa ‘Hallo’.

Umuhanzikazi Fille Mutoni yambitswe impeta n’umusore bitegura kurushinga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .