Umuhanzi w’Umurundi Willy Léonard Niyomwungere yitabye Imana azize Covid-19

Yanditswe na Nsengiyumva Emmy
Kuya 12 Mata 2020 saa 08:35
Yasuwe :
0 0

Ku mugoroba wo kuri uyu wa Gatandatu tariki 11 Mata 2020 nibwo inkuru y’incamugongo yageze i Burundi ivuga ko umuhanzi Willy Léonard Niyomwungere yitabye Imana azize Covid-19.

Ikinyamakuru Malawi24 cyemeje ko hari Umugabo winjiye muri iki gihugu tariki 28 Werurwe 2020 aturutse muri Canada ariko uvuka mu Burundi w’imyaka 44 witabye Imana akaba uwa kabiri uzize Covid-19, indwara iterwa n’agakoko ka Coronavirus, muri 12 bayirwaye muri iki gihugu.

Cyakomeje kivuga ko uretse we wafashwe n’iyi ndwara ku wa Gatanu tariki 10 Mata 2020, umugore we ndetse n’undi muntu babanaga mu nzu bose basuzumwe bagasanganwa ubu burwayi.

Ibinyamakuru by’i Burundi byahise bitahura ko uyu witabye Imana ari umuhanzi waho wamenyekanye cyane mu ndirimbo “Abantu” n’izindi nyinshi.

Willy Léonard Niyomwungere yari amaze imyaka myinshi aba muri Canada akaba yari yaragiye muri Malawi muri Werurwe 2020.

Uyu muhanzi yitabye Imana afite abana babiri b’abakobwa yasize muri Canada, mu gihe umugore we arwariye Covid-19 muri Malawi aho yari kumwe n’umugabo we.

Mu Burundi abantu batanu nibo bamaze gusanganwa indwara ya Covid-19 nabo bakaba bakomeje kwitabwaho n’inzego z’ubuzima muri iki gihugu.

Umva indirimbo "Abantu" iri mu zamenyekanishije uyu muhanzi

Umuhanzi w’Umurundi Willy Léonard Niyomwungere yitabye Imana azize Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .