R’Bonney w’imyaka 28 ni Umunyamerika usanzwe ari umuhanzi w’imideli, yageze ku cyiciro cya nyuma ari kumwe na Amanda Dudamel ukomoka muri Venezuela na Andreína Martínez wo muri Repubulika ya Dominican babaye ibisonga bye.

Iri kamba yaryambitswe kuri uyu wa Gatandatu mu muhango wabereye muri New Orleans Umujyi wa Leta ya Louisiana muri Mexico, ahigitse abakobwa 84 biaryitabiriye ku nshuro ya 71.

Uyu mukobwa uvuka i Houston, akomoka ku munya-Philippine Remigio Bonzon "R. Bon" Gabriel washakanye n’Umunyamerikakazi Dana Walker.

R’Bonney ufite basaza be batatu, yarangije kaminuza mu bijyanye no guhanga imideli, amasomo yafatiye muri ‘University of Noth Texas’.

Mu 2020 nibwo bwa mbere uyu mukobwa yitabiriye irushanwa ry’ubwiza aho yagaragaye muri batanu ba mbere muri Miss Kemah USA 2020.

Kutegukana ikamba rya mbere yahataniraga ntabwo byamuciye intege, ahubwo mu 2021 yaje kwitabira irushanwa rya Miss Texas USA 2021 agirwa igisonga cya mbere.

Ntabwo uyu mukobwa yanyuzwe n’ikamba ry’Igisonga cya mbere ahubwo umwaka ushize yasubiye muri Miss Texas USA 2022 byaje kumuviramo kwegukana iri Kamba.

Ikamba rya Miss Texas USA ryamuhesheje itike yo guhita yitabira ikamba rya Miss USA2022 yanegukanye ryatumye abona itike yo kwitabira irushanwa rya Miss Universe ryabaga ku nshuro ya 71 ahita anaryegukana mu ijoro ryo ku wa 14 Mutarama 2023.

Izina R’Bonney ryahise ryiyongera ku yandi umunani riba irya cyenda ry’umukobwa ukomoka muri Amerika wegukanye ikamba rya Miss Universe.

R'Bonney Nola Gabriel asanzwe ari umuhanzi w'imideli wabigize umwuga cyane ko ari nabyo yaminujemo

R'Bonney Nola Gabriel wari umaze kwegukana ikamba rya Miss Texas USA2022 yahise yitabira irushanwa rya Miss USA2022

R'Bonney Nola Gabriel yaje kwegukana ikamba rya Miss USA2022

Ikamba rya Miss USA2022 ryahise rimuhesha itike yo kwitabira Miss Universe 2022 byarangiye anegukanye

Ikamba rya Miss Universe yegukanye ryabaye irya gatatu rigiye ku mutwe we

Ku myaka 28, R’Bonney amaze kwegukana amakamba atatu y'ubwiza

Myinshi mu myenda akunze guserukana, R’Bonney ni we uba wayidodeye

Ni umuhanga mu guhanga imideli cyane ko ari nabyo yaminujemo

Ku rundi ruhande ni umukobwa ukunze kuvuga ko akunda gutemberera ahantu nyaburanga

Acyegukana ikamba rya Miss Texas USA2022, R’Bonney yari ashyigikiwe n'ababyeyi be

Ikamba rya Miss Texas USA 2022 ryamufunguriye amarembo amugejeje kuri Miss Universe

R’Bonney ni umukobwa ukunze kugaragara yarimbye, benshi bakanyurwa n'uko myinshi mu myenda arimbana ari iyo aba yihangiye

R’Bonney yari ahagarariye Amerika muri Miss Universe

R’Bonney wari uhagarariye Amerika afatana ifoto n'uwari uhagarariye Ukraine muri Miss Universe

R’Bonney niwe mukobwa mukuru wegukanye ikamba rya Miss Universe mu banya Amerika icyenda baryegukanye

Iyi foto yayifashe ari mu irushanwa rya Miss Universe yishimira ko Igihugu cye aricyo cya mbere cyabashije kohereza abantu ku kwezi

Intsinzi yatashye muri Amerika, ku nshuro ya 71 haba irushanwa rya Miss Universe ryaje kwegukanwa na R’Bonney Gabriel