Uyu muhanzi wamamaye mu itsinda One Direction, yashyinguwe kuri uyu wa Gatatu tariki 20 Ugushyingo, mu muhango wabereye mu Bwongereza aho akomoka.

Ni umuhango witabiriwe n’abantu bake bari batumiwe barimo abaririmbanaga na Liam barimo Niall Horan, Zayn Malik, Harry Styles na Louis Tomlinson; Simon Cowell wagize uruhare mu ishingwa ry’iri tsinda n’abo mu muryango we barimo se Geoff Payne na Karen Payne.

Hari kandi abakobwa bakundanye barimo umuhanzikazi Cheryl Fernandez bafitanye umwana w’umuhungu w’imyaka irindwi bise Bear Grey Payne, Kate Cassidy yapfuye bakundana n’abandi batandukanye.

Umuhango wo gusezera umurambo w’uyu musore wabereye mu rusengero ruherereye mu mujyi wa Amersham ruzwi nka St. Mary’s Church.

Liam Payne yitabye Imana tariki 16 Ukwakira 2024 nyuma yo guhanuka muri Buenos Aires Hotel muri Argentine kubera kunywa ibiyobyabwenge birengeje urugero. Bamwe mu bakekwaho uruhare mu rupfu rwe batangiye gukurikiranwa.

One Direction yamenyekaniyemo we na bagenzi be yashinzwe mu 2010 mu irushanwa rya X-Factor, nyuma y’aho Simon Cowell n’umuhanzikazi Nicole Scherzinger bari bagize akanama nkemurampaka babahuje kubera ubuhanga bababonanye.

Icyo gihe ntabwo babashije gutsinda mu irushanwa ariko babaye ni rimwe mu matsinda yubatse izina ku isi kandi babikora bakiri bato. Aba basore bahisemo gutandukana mu 2016 buri wese akomeza umuziki ku giti cye.

Zayn Malik waririmbanaga na Liam uri ibumoso, yitabiriye umuhango wo kumusezera bwa nyuma

Simon Cowell yamamaye mu biganiro bizamura abanyempano birimo X-Factor yazamukiyemo One Direction

Simon Cowell wagize uruhare mu ishingwa rya One Direction ikiniga cyari cyose

Se wa Liam Payne, Geoff Payne yafashe mu mugongo Simon Cowell wari wananiwe kwakira ko uyu musore atazongera kumubona aririmba yishimanye n'abakunzi be

Nicola Roberts na Kimberley Walsh ni bamwe mu byamamare byaherekeje Liam Payne

Payne yari amaze ukwezi atabarutse

Niall Horan yari yagiye guherekeza mugenzi we baririmbanye

Louis Tomlinson wari mu bagize One Direction, ni umwe mu bamuherekeje

Liam Payne yitabye Imana ku wa 16 Ukwakira 2024

Liam Payne yapfuye akundana na Kate Cassidy

Kate Cassidy uri hagati yitabiriye umuhango wo gusezera bwa nyuma kuri Liam Payne wapfuye mu gihe bakundanaga ndetse bari bajyanye mu biruhuko mu Butaliyani ariko we aza kuhamusiga

James Corden ni umwe mu bagaragazaga agahinda mu muhango wo gusezera kuri uyu muhanzi

Isanduku yari irimo umurambo w'uyu musore ubwo yagezwaga mu rusengero rwa St Mary's Church i Amersham muri Buckinghamshire

Isanduku irimo umurambo w'uyu musore yatwawe mu cyubahiro

Isanduku irimo umurambo wa Liam yajyanywe ku rusengero yasabiweho amasengesho itwawe mu ndogobe

Harry Styles wambaye amadarubindi yari yagiye gusezera mugenzi we bakuranye bakanaririmbana muri One Direction

Cheryl Tweedy wabyaranye na Liam Payne yari yaje kumusezera bwa nyuma

Ababyeyi ba Liam Payne na Simon Cowell ubwo bari baje muri uyu muhango

Ahashyirwaga indabo abantu bunamira uyu muhanzi