Umuhanzi Albert Niyonsaba yasohoye indirimbo y’ishimwe nyuma yo kwibaruka imfura

Yanditswe na Ishimwe Israel
Kuya 21 Nzeri 2019 saa 05:28
Yasuwe :
0 0

Umuhanzi Albert Niyonsaba uri mu bafite izina rizwi mu muziki uhimbaza Imana n’umugore we Nyirabahizi Clarisse bibarutse imfura yabo nyuma y’amezi asaga icyenda basezeranye kubana akaramata.

Ku wa 18 Nzeri 2019 ahagana saa 16 :30 nibwo umufasha wa Niyonsaba yibarutse umukobwa; uyu mwana yavukiye mu Bitaro bya Kaminuza bya Kigali (CHUK).

Albert Niyonsaba yibarutse imfura, ahita anashyira hanze indirimbo nshya yise “Ushimwe’’, ifite iminota ine n’amasegonda 17.

Uyu muhanzi yakoze ibirori by’ubukwe n’umukunzi we Nyirabahizi Clarisse ku wa 8 ukuboza 2018 mu birori byari bibereye ijisho byabereye muri Croix rouge Kacyiru. Aba bombi bambikanye impeta y’urudashira nyuma y’iminsi mike bavuye no gusezerana imbere y’amategeko mu Murenge wa Kimisagara.

Albert Niyonsaba mu byishimo byinshi yabwiye IGIHE ko yishimiye kwakira impano y’Imana.

Yagize ati “Imana ishimwe, ubu ndi papa w’umuntu! Ni iby’igiciro gikomeye kuri twe, kandi byose ni kubw’icyubahiro cy’Imana.’’

Indirimbo yasohoye yahuriranye n’ibihe by’umunezero mu muryango we yari amaze iminsi ayitunganya.

Ati “Kuba byahuriranye ni undi mugisha kandi abakunzi banjye ndi kubategurira ibindi bihangano bishya mu minsi iri imbere.’’

Albert Niyonsaba yamamaye kubera ibihangano bitandukanye yaririmbye bigakundwa na benshi birimo “Duteraniye’’, “Umpe kwitonda”, “Tuyobore’’ na “Bigarure’’.

Niyonsaba ni umwe mu bahanzi b’abahanga kandi b’inararibonye muri muzika ihimbaza Imana mu Rwanda. Usibye kuririmba afite n’ubumenyi bwo gucuranga, kwandika indirimbo no kuyobora ibirori (Mc) cyane cyane mu misango y’ubukwe.

Mu ruhando rw’umuziki uhimbaza Imana izina rya Niyonsaba ryazamuwe cyane n’igihembo yahawe mu 2016, ubwo yatorwaga nk’umuhanzi w’umugabo witwaye neza mu Irushanwa rya Groove Awards Rwanda.

- Umva hano indirimbo nshya ya Albert Niyonsaba yitwa “Ushimwe”

Albert Niyonsaba ari mu bahanzi bafite izina rikomeye mu muziki uhimbaza Imana mu Rwanda
Albert Niyonsaba n’umugore we Nyirabahizi Clarisse bibarutse umukobwa
Nyirabahizi Clarisse yashyingiwe na Albert Niyonsaba ku wa 8 Ukuboza 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza