Umuhango wo gusohora igice gishya cya filime yamamaye nka "James Bond" wongeye gusubikwa

Yanditswe na Uwiduhaye Theos
Kuya 22 Mutarama 2021 saa 04:14
Yasuwe :
0 0

Igikorwa cyo gushyira hanze igice gishya cya filime yamamaye nka ‘James Bond’ cyiswe “No Time to die” cyongeye gusubikwa ku yindi nshuro.

Iki gice cyagombaga kujya hanze muri Mata 2020 ariko uwo muhango uza kwigizwa inyuma kugeza mu Ugushyingo ku itariki ya 11; na none icyo gihe byongeye kwigizwa inyuma kugeza aho byavugwaga ko kizashyirwa hanze muri uyu mwaka bitewe n’ibihe Isi irimo bya COVID-19.

Icyo gihe mu itangazo ryashyizwe ku rubuga rw’iyi filime rigaragaza ko izashyirwa hanze ku wa 2 Mata 2021. Ku rukuta rwa Twitter rwa James Bond banditse bagaragaza ko noneho iyi filime izashyirwa hanze ku wa 8 Ukwakira 2021.

Nta bindi byinshi bigeze bagaragaza nk’impamvu yo gusubika yo kuyishyira hanze ariko n’ubundi n’impamvu z’icyorezo cya Coronavirus.

Uduce duto tw’iyi filime twagiye hanze ndetse n’indirimbo ya Billie Eilish yayihimbiwe yamaze kujya hanze.

Kwigiza inyuma amatariki yo gushyira hanze ‘No Time To Die’ byagiye biba nyuma yaho izindi filime zari zitezwe zirimo ‘Wonder Woman: 1984’ na ‘Black Widow’ zagombaga kujya hanze mu bihe bya nyuma by’impeshyi ya 2020 zose kuzishyira hanze no kuzerekana bisubitswe.

Mu ntangiriro z’uku kwezi, Sosiyete ya Warner Bros ikora mu bijyanye n’Imyidagaduro yatangaje ko ishyirwa hanze rya ‘The Many Saints of Newark’ aho biteganyijwe ko izashyirwa hanze muri Nzeri uyu mwaka ndetse ‘Ghostbusters: Afterlife’ byayigendekeye gutyo kuyishyira hanze birasubikwa.

Sony nayo yatangaje ko gushyira hanze ‘Peter Rabbit 2: The Runaway’ byigijwe inyuma n’izindi filime yagombaga gushyira hanze byagenze gutyo.

N’izindi filime nyinshi zari zitezwe zirimo ‘West Side Story’ ya Steven Spielberg ufite amateka akomeye mu kuyobora filime ndetse na ‘Death of the Nile’ ya Kenneth Branagh na zo amatariki yo kuzimurika yigijwe inyuma. Ni ikibazo gikomeye muri sinema cyane ko izi filime zari zashowemo amafaranga menshi.

Umuhango wo gusohora igice gishya cya filime yamamaye nka "James Bond" byongeye gusubikwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .