Uyu musore yamenyekanye ubwo yasohoraga indirimbo ‘The fxckin injury’ n’izindi ndirimbo zirimo ‘Uyah’ yakoranye n’abarimo Uncle Waffles.

Ni umuhanga mu kuvanga imiziki usanzwe ubikorera muri Afurika y’Epfo ndetse n’i Burayi by’umwihariko mu Bwongereza aho asanzwe atuye.

Jay Music ategerejwe gutaramira i Kigali mu Iserukiramuco ‘Xmass Festival’ rizamara iminsi ibiri.

Ibi birori bizanahuza aba-DJs bizabera muri ‘Pilipili’ ku wa 24 Ukuboza 2024, mu gihe ku wa 25 Ukuboza 2024, bazacurangira muri ‘Atelier du vin’.

Uretse Jay Music, abateguye iki gitaramo banatumiye abarimo DJ Marnaud, DJ Toxxyk, DJ Pyfo, DJ Tyga n’abandi banyuranye bazasusurutsa abakunzi b’umuziki, mu bihe by’iminsi mikuru isoza umwaka.

Jay Music agiye guhurira mu bitaramo bibiri n'abahanga mu kuvanga imiziki mu Rwanda

Uretse ibyo kuvanga imiziki, Jay Music asanzwe ari n'umuhanga mu kuyitunganya

Jay Music ni umwe mu bahanga mu kuvanga imiziki muri Afurika y'Epfo ariko ukunze gukorera i Burayi