Umugandekazi yabaye igisonga cya kabiri cya Miss International 2019

Yanditswe na Uwiduhaye Theos
Kuya 12 Ugushyingo 2019 saa 09:35
Yasuwe :
0 0

Umugandekazi Evelyn Namatovu Kironde yambitswe ikamba ry’igisonga cya kabiri muri Miss International 2019 yaberaga mu Buyapani ku Mugabane wa Aziya.

Miss International ni irushanwa ry’ubwiza mpuzamahanga ribera mu Buyapani rigahuza ibihugu bitandukanye ku Isi, ritegurwa n’Umuryango wa International Culture Association. Ryatangijwe mu 1960.

Riri mu marushanwa akomeye ku Isi kuko riri ku mwanya wa Kane nyuma ya Miss World, Miss Universe na Miss Earth.

Umugandekazi muri uyu mwaka yakoze amateka yo kwegukana umwanya wa Gatatu. Mu gihe ikamba rya Miss International 2019 ryahawe Sireethorn Leearamwat wabaye Umunya-Thailand umwe rukumbi wegukanye iri kamba kuva ryatangira.

Mu gihe umunyamideli Andrea Toscano wo muri Mexique ariwe wegukanye umwanya wa Kabiri yambikwa ikamba ry’igisonga cya mbere.

Namatovu kandi yanegukanye umwanya wa mbere mu kwiyekerekana mu mwambaro wo kogana uzwi nka bikini.

Mu mwaka ushize wa 2018, Quinn Abenakyo wari uhagarariye Uganda yaje mu bakobwa batanu ba mbere batoranyijwemo Miss World 2018 mu birori byabereye mu Bushinwa mu Mujyi wa Sanya nawe aba Umugandekazi waciye agahigo mu marushanwa y’ubwiza.

Yaje no kuza ku mwanya wa Gatatu, anaba umukobwa rukumbi ukomoka muri Afurika waje mu icumi ba mbere, ahabwa ikamba rya Miss World Africa 2018 ndetse n’iry’igisonga cya Gatatu cya Miss World.

Sireethorn Leearamwat wo muri Thailand ni we wegukanye ikamba rya Miss International 2019
Umugande Evelyn Namatovu Kironde yabashije kwegukana umwanya wa mbere mu cyiciro cyo kwiyerekana muri bikini anaba igisonga cya kabiri
Umunyamideli Andrea Toscano wo muri Mexique ni we wegukanye umwanya wa Kabiri yambikwa ikamba ry'igisonga cya mbere cya Miss International 2019
Uyu mukobwa yabaye igisonga cya kabiri cya Miss International 2019

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza