Umucamanza yanze ko umuhanzi R Kelly afungurwa kubera Coronavirus

Yanditswe na Eric Tony Ukurikiyimfura
Kuya 8 Mata 2020 saa 11:40
Yasuwe :
0 0

Umucamanza yatesheje agaciro ubusabwe bw’umuhanzi w’icyamamare mu njyana ya R&B, R Kelly, wasabaga ko yafungurwa kubera ko ashobora kwandurira icyorezo cya Coronavirus muri gereza.

TMZ yatangaje ko uwo mwanzuro wafashwe n’umucamanza ashingiye ko R Kelly aramutse afunguwe, ashobora gucika cyangwa akitambika iperereza atera ubwoba abatangabuhamya nubwo uyu ushinjwa ntacyo yabisobanuyeho.

Ku bijyanye no kuba R Kelly yakwandura Coronavirus mu gihe yaguma muri gereza, umucamanza yavuze ko kugeza ubu ntabanduye icyo cyorezo baragaragara muri gereza ya MMC i Chicago, aho uyu muhanzi afungiwe.

Umucamanza yavuze ko kandi hari ingamba zafashwe n’Ibiro bishinzwe amagereza mu kwirinda ikwirakwira rya Coronavirus muri ibyo bigo nko guhagarika gusura imfungwa no guhagarika kuzihindurira amagereza.

R Kelly yagaragazaga ko aherutse kubagirwa muri gereza (muri Mutarama), ariko umucamanza yavuze ko “adasobanura uburyo kuba yarabazwe bimushyira mu byago byo kugira uburwayi bukomeye. Byongeye kandi, abayobozi bo muri Chicago bamenyesheje guverinoma ko abaganga bavuye neza uyu uregwa.”

Ku bijyanye no kuba R Kelly adashobora guhura n’abunganizi be mu mategeko ngo bige ku rubanza rwe ruzaba muri Nyakanga, umucamanza yavuze ko ashobora kuvugana nabo yifashishije telefoni cyangwa email.

Yemeje ko kandi urubanza rw’uyu mugabo ruzaba nk’uko biteganyijwe, mu ntangiriro za Nyakanga ubwo ibihe bizaba byongeye kuba ibisanzwe ndetse R Kelly azongererwa igihe cyo kwitegura urubanza hamwe n’abunganizi be.

Mu mpera z’ukwezi gushize nibwo R Kelly ufungiwe muri gereza yo muri Illinois, yasabye ko yafungurwa, agereranya kuba bafunzwe no gutegezwa uburozi ngo babunywe.

Mu byaha ashinjwa harimo icyo kwifata amashusho asambana n’abakobwa batujuje imyaka y’ubukure no kwishyura abatangabuhamya ngo babeshye urukiko, byatumye agirwa umwere mu 2008.

Umucamanza yatesheje agaciro ubusabe bw’umuhanzi R Kelly wari wasabye gufungurwa kugira ngo atandurira Coronavirus muri gereza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .