Mu kiganiro yagiranye na IGIHE, Shaffy yavuze ko nyuma yo gukora iyi ndirimbo yayumvishije Scillah arayikunda bityo uko bayiganiraho birangira biyemeje ko uyu muhanzikazi ariwe uzayigaragaramo.

Ati “Mvuye i Kigali ndangije iriya ndirimbo nayumvishije Scillah kuko hari ukuntu ari inshuti yanjye dusanzwe tuganira, mu gihe rero twari turi kuganira yaje kuyikunda birangira musabye ko yakwemera kuzayigaragaramo.”

Shaffy yavuze ko ari iby’agaciro kuba umuhanzikazi nka Scillah yemera kumutera inkunga yo kugaragara mu ndirimbo ye, ahamya ko igikorwa uyu muhanzikazi yamukoreye ari icy’agaciro gakomeye mu muziki we.

Ati “Ni iby’agaciro gakomeye ubyumve ko Scillah mushimira bikomeye kandi rwose yakoze.”

Iyi ndirimbo nshya ya Shaffy yakozwe na Element mu gihe kuyandika byagizwemo uruhare n’abarimo Rumaga na Christopher mu gihe amashusho yafashwe na Cedru.

Scillah umenyerewe mu muziki yifashishijwe na Shaffy mu mashusho y'indirimbo ye nshya

Shaffy yifashishije Scillah mu mashusho y'iyi ndirimbo

Shaffy yashimiye bikomeye Scillah wemeye kumufasha mu mashusho y'iyi ndirimbo