Uko Munyanshoza yakuwe mu ndirimbo yo kurwanya Coronavirus Senderi yakoranye na Tuyisenge

Yanditswe na Nsengiyumva Emmy
Kuya 25 Werurwe 2020 saa 09:24
Yasuwe :
0 0

Senderi Hit na Intore Tuyisenge bashyize hanze indirimbo nshya “Twirinde Coronavirus” yo kurwanya iki cyorezo kiri guca ibintu ku Isi ariko ntihumvikanamo Munyanshoza Dieudonne wagombaga kuririmbamo bigapfa ku munota wa nyuma.

Iyi ndirimbo yatangiye gukorwa mu minsi ishize byari byitezwe ko izaririmbamo abahanzi barimo Intore Tuyisenge, Senderi Hit na Munyanshoza Dieudonne.

Ku munota wa nyuma Munyanshoza byarangiye ataririmbye muri iyi ndirimbo.

Munyanshoza yagombaga kuririmba muri iyi ndirimbo kuri uyu wa Kabiri tariki 24 Werurwe 2020 icyakora Producer Trackslayer wagombaga kumufata amajwi aza gufatwa na Polisi kubera kutubahiriza amabwiriza yo kuguma mu rugo hirindwa Coronavirus.

Intore Tuyisenge yabwiye IGIHE ko bahise bihutira gutunganya iyi ndirimbo ikarangira kugira ngo bayishyire hanze ubutumwa bwabo bugere ku banyarwanda muri iki gihe.

Abajijwe niba Munyanshoza atarabyakiriye nabi, Intore Tuyisenge yagize ati” Oya, nawe yabyumvise kuko sitwe byaturutseho.”

Tuyisenge yavuze ko iyo ndirimbo igamije gushishikariza abanyarwanda gufatanya n’ubuyobozi, kuko ibyo igihugu cyanyuzemo kikabitsinda ari byinshi.

Ati “U Rwanda rwaciye mu bikomeye kandi hari amasomo akomeye twakuyemo ku buryo iyo Coronavirus itatuma tugaragaza ko hari ibyacitse, ahubwo ni umwanya mwiza wo guhangana nayo dukumira ikwirakwira ryayo. Ni indirimbo rero irimo amagambo y’ihumure aho dusaba Abanyarwanda gukaraba neza intoki nk’uko twabishishikarijwe na Perezida Kagame ndetse inzego z’umutekano zidusaba kuguma mu ngo.”

Iyi ndirimbo iri mu mujyi w’ubukangurambaga bwiswe “#SafeHands Challenge” bushishikariza abantu gukaraba neza intoki hirindwa coronavirus.

Umva iyi ndirimbo ikubiyemo ubutumwa bwo kurwanya Coronavirus

Munyenshoza Dieudonne yaburijwemo mu ndirimbo yo kurwanya Coronavirus yagombaga guhuriramo na Senderi Hit na Intore Tuyisenge
Senderi Hit na Intore Tuyisenge basohoye indirimbo bakoranye yo kurwanya Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .