Ibi birori byari bigamije gukusanya inkunga yo gukomeza gufasha abana uyu mubyinnyi yiyemeje kwitaho by’umwihariko abaturuka mu miryango ikennye.

Abana babarizwa muri Sherrie Silver Foundation bigishwa amasomo atandukanye ubundi bakiga no kubyina ariko bagahabwa n’umwanya bakagaragaza impano zabo.

Mu rwego rwo kumenyekanisha uyu muryango ari nako akusanya inkunga yo kurushaho kuwitaho, Sherrie Silver yateguye ibirori byo gusabana yise ‘The Silver Gala’ byabereye muri Kigali Convention Centre mu Mujyi wa Kigali.

Nubwo itike yo kwinjira muri ibi birori yari ihanitse cyane ko iya make yari ibihumbi 120 Frw mu gihe indi yaguraga miliyoni 1Frw, benshi batunguwe n’uko umunsi w’ibirori wageze yashize ku isoko.

Abanyamujyi barimo n’ibyamamare bitabiriye ibi birori, buri wese yari yagerageje gukora ku mwenda we wo guserukana ahakomeye, ari nayo mpamvu muri iyi nkuru tugiye kwibanda ku mafoto y’uko baserutse.

Ni ibirori byitabiriye n’abantu batandukanye biganjemo ibyamamare nka The Ben, Element Eleeeh, Kevin Kade, Alyn Sano, Miss Jolly Mutesi, Miss Muheto Divine, Bwiza, Miss Nishimwe Naomie, Intore Massamba n’abandi benshi.

Ish Kevin ni umwe mu bitabiriye ibi birori bya 'The Silver Gala'

Alyn Sano ni umwe mu bahanzi bataramiye abitabiriye ibi birori

Queen Douce wamamaye muri 'Kigali Boss Babes' yari yitabiriye ibirori bya 'The Silver Gala'

Makeda ni umwe mu bari bayoboye ibi birori bya 'The Silver Gala'

The Ben yatanze ikiganiro mu birori bya 'The Silver Gala'

Buri wese yari yakoze ku mwenda w'ibirori

Miss Jolly Mutesi na Miss Muheto Divine bari bitabiriye 'The Silver Gala'

Ubanza ibumoso ni Keza Ange Noella uri mu nkumi zikunzwe bikomeye ku mbuga nkoranyambaga

The Ben, Kevin Kade na Element baririmbanye indirimbo 'Sikosa' baherutse gukorana

Masai Ujiri ni umwe mu bashyigikiye Sherrie Silver anitabira ibirori bya 'The Silver Gala'

Bwiza akiva mu gitaramo cya MTN Iwacu Muzika Festival yahise yitabira ibirori bya 'The Silver Gala'

Element Eleeeh yari yitabiriye ibirori bya 'The Silver Gala'

Musana Teta Hense witabiriye irushanwa rya Miss Rwanda ubwo yari ageze ahabereye ibirori bya 'The Silver Gala'

Umuhoza Sharifa wanyuze mu irushanwa rya Miss Rwanda ubwo yafataga ifoto ku itapi y'umutuku mu birori bya 'The Silver Gala'

Mucyo Sandrine washinze 'The Ssanduina Ltd' ubwo yari ageze ahabereye ibi birori

Andy Bumuntu ni uku yaserutse mu birori bya 'The Silver Gala'

Massamba Intore yishimiye kwitabira ibirori bya 'The Silver Gala'

Umukundwa Clemence wamamaye nka Cadette ni uku yaserutse muri ibi birori

Ikirezi Deborah, umukobwa wa Massamba Intore yitabiriye ibirori bya 'The Silver Gala'

Runtown yanyuze ku itapi y'umutuku ari kumwe na Sherri Silver

Miss Nishimwe Naomie niwe wayoboye ibirori byo gutambuka ku itapi y'umutuku

Miss Nishimwe Naomie na Sherrie Silver bafatanye ifoto y'urwibutso