Iyi ndirimbo yari imaze kurebwa n’abarenga miliyoni ku rubuga rwa Youtube, IGIHE yahamirijwe n’abareberera inyungu Kevin Kade bavuga ko nabo batunguwe no kubona isibwe.

Muhizi Serge uri mu bakorana bya hafi na Kevin Kade, yavuze ko nabo batunguwe no kubona indirimbo yabo isibwe, icyakora bari mu biganiro byo kureba uko yagarurwa.

Ati “Amakuru y’ibanze twabonye ni uko hari undi muntu wayishyize kuri youtube anyuze kuri sosiyete isanzwe ifasha abahanzi gusakaza ibihangano byabo ku mbuga zibigurisha ‘One rpm’, twaganiriye n’ubuyobozi bw’iyi sosiyete bubona ko indirimbo ari iyacu batwizeza ko mu masaha make bari buyisubizeho.”

Muhizi yavuze ko bo icyo bari gukora ari ugutegereza igisubizo cya ‘One rpm’ igiye mu biganiro n’uwashyizeho indirimbo anyuze muri sosiyete yabo bakaba bakemura iki kibazo indirimbo ikongera igasubiraho.

‘Sikosa’ ni indirimbo nshya Kevin Kade yahuriyemo n’abarimo The Ben na Element Eleeeh ikaba imwe mu zimaze iminsi ziri kubica hano hanze.

Indirimbo bigaragara ko yasibwe kuko yarezwe na sosiyete ya 'One rpm' isanzwe ifasha abahanzi gusakaza ibihangano ku mbuga zibigurisha

Icyizere ni cyose kuri Kevin Kade ko iyi ndirimbo isubizwa kuri Youtube mu gihe kiri imbere