Ubuzima bw’umuririmbyi Jeremih buri mu kaga kubera COVID-19

Yanditswe na Uwiduhaye Theos
Kuya 15 Ugushyingo 2020 saa 05:34
Yasuwe :
0 0

Umuririmbyi Jeremy Phillip Felton wamamaye mu muziki wa RnB nka Jeremih, ari mu bitaro kubera Corovirus ndetse yashyizwe mu byuma bimwongerera umwuka.

TMZ yatangaje ko nta makuru ahagije ajyanye n’igihe uyu musore w’imyaka 33 yatangiye kwitabwaho cyangwa igihe gishize arwaye Coronavirus.

Kuri uyu wa Gatandatu nibwo inkuru zivuga ko arembye zatangiye gucicikana. Umuraperi 50 Cent, Chance the Rapper ndetse na Producer Hitmaka basabaga abantu kumusengera kuko atorohewe.

Nubwo bateruraga ngo bavuge icyo yabaye, 50 Cent ni we watangaje ko arwaye Coronavirus ndetse akaba ari kuvurirwa muri Chicago.

Yanditse ati “Musengere umuhungu wanjye Jeremih, ntabwo ameze neza. COVID-19 ni ukuri. Ari kuvurirwa muri Chicago.”

Chance the Rapper we yanditse ati “Ndakwinginze ushobora gufata isegonda ugasengera inshuti yanjye Jeremih. Ni nk’umuvandimwe wanjye kandi ubu ararwaye. Ndizerera mu mbaraga zikiza za Yesu, niba wabikora ku bwanjye, nakwinginze vuga isengesho umusengere.”

Jeremih yamamaye mu ndirimbo nyinshi zitandukanye. Azwi cyane mu yitwa ‘Down on Me’ yakoranye na 50 Cent.

Jeremy Phillip Felton wamamaye mu muziki wa RnB nka Jeremih kuri ubu ararembye kubera COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .