Sat B yabuze uko agira asohora amashusho y’indirimbo yakoranye na Meddy bose batarimo

Yanditswe na Nsengiyumva Emmy
Kuya 17 Ukuboza 2020 saa 11:39
Yasuwe :
0 0

Umunyarwanda yagize ati “Kwiga ni ukwigana”, undi nawe ati “Ubuze uko agira agwa neza”. Iyi migani nubwo ari iy’Abanyarwanda ubanza ariyo Umurundi Sat B yifashishije mu kurangiza umushinga w’indirimbo yakoranye na Meddy yari imaze imyaka ibiri itararangira.

Nyuma yo kubona ko gukora amashusho y’iyi ndirimbo bitagishobotse, Sat B yiyemeje gusohora amashusho y’abandi bantu babyina iyi ndirimbo aherekejwe n’amagambo ayigize (Video lyrics).

Ubu ni uburyo bukunze kwifashishwa iyo umuhanzi atabashije gukora amashusho y’indirimbo ye kandi yifuza kuyisohora.

Mu Rwanda aho Sat B ahamya ko yabibonye, byagiye bifasha abahanzi atandukanye barimo na Meddy bakoranye.

Ubuze uko agira!

Kuva mu 2018 ubwo bakoraga iyi ndirimbo, Sat B yakunze kuvuga ko amashusho yayo yenda gufatwa bagahita bayisohora.

Inshuro nyinshi aba bahanzi bagerageje guhuza gahunda ariko ntibyakunda, imyaka ibiri yari yirenze indirimbo itarajya hanze.

Uyu muhanzi w’i Burundi wari umaze kubona ko inzira zose zifunze, yahisemo guhindura imitekerereze yikuramo ibya Meddy.

Iyi ndirimbo Sat B yabanje gusohora mu buryo bw’amajwi, iri kuri EP ye nshya yise ‘Romantic Sounds’.

Yasohokanye n’izindi nka; ‘Miss You’, ‘Talk to me’, ‘Beautiful’ yakoranye na Meddy, ‘Baby Girl’ yakoranye na Herbert Skillz, ‘Waiting’, ‘Cousin’, ‘Ce Soir’ yakoranye na Herbert Skillz, ‘Niko Bien’ na ‘Sidibe’.

Iyi ndirimbo yari ikoze mu buryo bw’amajwi, Sat B abonye ko kuyifatira amashusho ari kumwe na Meddy bigoye kandi yarifuzaga kuyisohora no mu buryo bw’amashusho, ntabwo yicaye ubusa.

Byatumye areba ku zindi ndirimbo nka; Dusuma ya Meddy na Otile Brown,Ngufite ku mutima ya The Ben, n’izindi zirimo Naremeye (Lyrics video) ya The ben.

Nyuma yo kwitegereza uko izi ndirimbo zakunzwe kandi bitabaye ngombwa ko zifatirwa amashusho bwite, Sat B yahise abona umujyo akoramo iyi yari yaburiye uburyo yayikoramo.

Mu kiganiro kigufi aherutse kugirana na IGIHE yagize ati” Nahisemo gusohora iyi ndirimbo mu buryo bw’amashusho arimo amagambo yayo (Video Lyrics), byaranze ko duhura ngo tuyikorere amashusho, ariko ndabizi ko hari n’izindi zirimo na Dusuma ye yakunzwe kandi batarigeze bayakora. N’iyi rero birashoboka cyane.”

Uko yakabivuze ni nako yabikoze, Sat B kuri ubu yasohoye amashusho arimo amagambo y’iyi ndirimbo ‘Lyrics video’ ikoze mu buryo buri kwifashishwa cyane n’abahanzi igihe batabashije gufata amashusho y’indirimbo.

Sat-B yagize ati” Meddy naramubuze kandi rwose indirimbo yari iri guta igihe, yansabye ko twayireka tugakora indi ariko ntekereza ko iyi ariyo yari nziza.”

Iyi ndirimbo imaze iminsi isohotse, Meddy ntaho aragaragara ayimenyekanisha. Sat-B yavuze ko ari uburenganzira bwa Meddy kuba yayamamaza ariko ko byari kuba byiza iyo abikora.

Ati ”Byari byiza iyo amfasha kuyimenyekanisha kuko byari kungeza kure, gusa nta kundi nyine icy’ingenzi yaragikoze ni uko yemeye ko dukorana indirimbo kandi ndabimushimira.”

Sat-B yavuze ko yatangiye gutekereza uko yakwikorana urugendo rw’umuziki akagera kure atarindiriye gufashwa n’undi uwo ariwe wese. Ati ”Yakoresheje ingufu ze agera kure, nanjye rero ngomba gukoresha izanjye icyiza ni uko yamfashije.”

Abajijwe impamvu ubu aribwo afashe icyemezo cyo gusohora iyi ndirimbo, Sat-B yagize ati “Kuva mu 2018 nagiye nihanganira gahunda ze zose, ariko hari igihe umuntu abona ibintu bye biri kudindira ku rwego nawe abona ko ari gusubira inyuma.”

Yakomeje agira ati” Meddy si umuntu mubi ni mwiza cyane, uruhare rwe rwari ukwemera ko dukorana indirimbo kandi nicyo gikuru.”

Sat-B yahuriye na Meddy muri Wasafi Records mu 2018 ubwo bose bari bagiye gukorera umuziki muri Tanzania.

Iyi ndirimbo yabo yagombaga kuba yarasohotse mu mpera za 2018, ariko hazamo imbogamizi zinyuranye.

Amashusho yayo yagombaga gufatirwa i Burundi mu mpera za 2018 ubwo Meddy yari afiteyo igitaramo bagombaga guhuriramo ariko ntayabashije kujyayo.

Bivugwa ko Dj Paulin(Uri hagati) ari we wahuje Meddy na Sat B
Mu 2018 nibwo Meddy na Sat B bakoreye iyi ndirimbo muri Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .