00:00:00 IGIHE NETWORK KN KINYARWANDA EN ENGLISH FR FRANCAIS

Ubuyobozi bwa TomTransfers bwanyomoje amakuru yo kwikura muri Mr. Rwanda

Yanditswe na Nsengiyumva Emmy
Kuya 26 April 2022 saa 07:01
Yasuwe :

Ubuyobozi bwa TomTransfers bwahakanye amakuru yo kwikura mu Irushanwa rya Mr. Rwanda yari yatangiye kuvugwa cyane ku mbuga nkoranyambaga, aho byavugwaga ko iyi sosiyete yaba yikuye muri iri Rushanwa ndetse igakuramo n’ibihembo bikuru byayo.

Umuyobozi ushinzwe Imenyekanishabikorwa muri Tomtransfers, Ngiruwonsanga Jean Damascène, yabwiye IGIHE ko ayo makuru ari ibihuha bidakwiye guhabwa agaciro.

Ati “Murabizi twiyemeza gukorana na Imanzi Agency twabikoreye imbere y’itangazamakuru, mu gihe rero haba havutse ibibazo tukavamo n’ubundi twabahamagaza tukabamenyesha. Nta bihari rwose nibaza ko ari amakuru yo kubeshya.”

Ibi byanashimangiwe na Byiringiro Moses, Umuyobozi wa Imanzi Agency, wavuze ko ayo makuru ari ibihuha.

Ibi biri kuvugwa mu gihe amatora y’iri Rushanwa arimbanyije, byitezwe ko ku wa Gatandatu tariki 30 Mata 2022 ari bwo hazamenyekana abasore 20 bazajya mu mwiherero wa Mr. Rwanda.

Tomtrnsfers yinjiye muri iri Rushanwa nk’umuterankunga mukuru, izahemba imodoka ku musore uzegukana Ikamba, ndetse imuhe icumbi ry’umwaka wose mu nyubako zabo.

Kugeza ubwo twakoraga iyi nkuru, Cyusa Muhunde Yannick niwe wari uyoboye abandi mu majwi agakurikirwa n’abarimo Mugabo Jules Maurice na Mbaraga Alex Junior wo mu itsinda rya muzika rizwi nka ’Juda Muzika’.

Ni amatora ari gukorerwa kuri IGIHE ukanze hano https://votes.igihe.com/mister/ cyangwa ugakanda *544*1*kode y’uwo utora#.

Umuyobozi ushinzwe imenyekanishabikorwa muri Tomtransfers, Ngiruwonsanga Jean Damascène yahakanye ibyo kwikura mu baterankunga ba Mr Rwanda
Byiringiro Moses umuyobozi wa Imanzi Agency yavuze ko amakuru yo kuba Tomtransfers yikuye muri Mr Rwanda ari ibihuha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .