U Butaliyani: Umuntu wa karindwi yishwe na Coronavirus

Yanditswe na IGIHE
Kuya 24 Gashyantare 2020 saa 06:10
Yasuwe :
0 0

Ubuyobozi bw’u Butaliyani bwatangaje ko abantu barindwi aribo bamaze guhitanwa n’icyorezo cya Cronavirus, gikomeje guhitana benshi mu Bushinwa ariko cyageze no mu Burayi.

Ubuyobozi bw’u Butaliyani bwatangaje kuri uyu wa Mbere ko bwahagaritse amashuri, za kaminuza, inzu ndangamurage n’ibindi bikorwa bihuriza abantu hamwe nk’imikino y’umupira w’amaguru n’ibikorwa ndangamuco.

Ibiro ntaramakuru by’u Butaliyani, Ansa byatangaje ko umuntu wa karindwi yazize iyi ndwara, ikomeje kwibasira u Butaliyani bw’amajyaruguru.

Byatangajwe ko umuntu witabye Imana ari umugabo w’imyaka 80, wajyanwe mu bitaro mu cyumweru gishize mu mujyi wa Lodi, kubera indwara y’umutima nk’uko Reuters yabitangaje. Abaganga bavuga ko ashobora kuba yarandujwe Coronavirus n’undi murwayi.

Umubare w’abarimo guhitanwa n’iyi ndwara ukomeje kwiyongera, mu gihe umuntu wa mbere wahitanwe na Cornavirus mu Butaliyani yapfuye ku wa Gatanu.

Abayobozi bavuga ko mu Bushinwa abantu bamaze kwandura ari 77 269 naho abanduye hanze yabwo ni 2 271. Abamaze guhitanbwa nayo ni 2 596, barimo 33 bamaze kugwa mu mahanga.

Kugeza ubu abantu bamaze gukira ni 24 854.

U Butaliyani bukomeje guhangana na Coronavirus yinjiye muri iki gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza