U Bubiligi: Barategura guhuza Abanyarwanda muri "Rwanda day at the Coast"

Yanditswe na

Karirima A. Ngarambe

Kuya 7 Kanama 2013 saa 04:05
Yasuwe :
0 0

Abanyarwanda bo muri Diaspora Nyarwanda (DRB-Rugari)" batuye Akarere ka Brankenberge nyuma yaho bishyiriyeho inzego z’ubuyobozi mu minsi ishize, ubu batangiye gushyira mu bikorwa bimwe mu byo biyemeje harimo guhuza Abanyarwanda n’inshuti zabo zo mu karere batuyemo ka Flandre Occidentale no gukorera ubuvugizi igihugu baturukamo cy’u Rwanda.

Nkuko tubitangarizwa na Christian Bizumuremyi umwe mu bategura uyu munsi akaba na Perezida wa Diyasipora Nyarwanda y’ akarere ka Flandre Occidentale, tariki ya 31 Kamena 2013 guhera 14h 30 mu Mujyi wa Blankenberge uherereye mu Majyaruguru y’u Bubiligi ku nkengero y’ inyanja bita "Mer du Nord", barategura igikorwa bise « Rwanda day at the Coast » kizaba kigamije guhuza Abanyarwanda n’inshuti zabo mu busabane no guteza imbere umuco Nyarwanda basangira ibyishimo n’ibindi birimo inteko ya kinyafurika.

Bizumuremyi Christian asobanurira umunyamakuru wa IGIHE A. Karirima ibijyanye na Rwanda day at the Coast; aha bari kumwe na Ambassadeur Masozera Robert uhagarariye u Rwanda mu Bubiligi

Hanatumiwe kandi n’ Abahanzi batandukanye, hazumvikana indirimbo za Muyango , imbyino nziza n’amajwi y’ Itorero Irebero, hatumiwe kandi n’umuririmbi Marechal De Gaule uzaturuka muri Canada igitaramo cye kikaba kizaba ari « Live Music » hazagaragaramo kandi n’ingoma z’Abarundi bazaba baje kwizihiza uwo munsi.

Uwo mugoroba kandi hateganyijwe ko hazaba hari na DJ Flor na DJ Az bazabashyiriraho umuziki kugeza mu gitondo.

Abazatabira icyo gitaramo ngo bazasabwa kwishyura amayero 20, abaza hagera saa 18h00 z’umugoroba kugeza mu gitondo, naho abazahagera saa 00h00 bakageza mu gitondo ngo bazishyura amayero 10.

Bizumuremyi Christian Perezida wa Diaspora Nyarwanda mu Karere ka Brankenberge

Icyo twabibutsa n’uko uyu mujyi wa Blankenberge uherereye mu Majyaruguru y’u Bubiligi ku nkengero y’ inyanja bita "Mer du Nord" uretse Abanyarwanda bahatuye bisanzwe, uzwi cyane mu banyarwanda bo muri Diyasipora y’Ububiligi nk’ahantu hakunze gukorera abasore n’inkumi b’Abanyarwanda benshi, bakaba aribo bahabwa akazi cyane kubera imikorere n’ imyitwarire myiza yabo nk’abanyarwanda.

Uyu muhango kandi uzaba witabiriwe n’ Ambasaderi w’u Rwanda mu Bubiligi, Robert Masozera, Burugumesitiri w’umujyi wa Blankenberge, Patrick De Klerck, Perezida wa Diayasipora Nyarwanda (DRB-Rugali) k’urwego rw’igihugu, Nyinawase Pulchérie n’abandi.

Hakazabaho n’umuihango wo guha ishimwe bamwe mu bakoresha baba Biligi bakoranye neza n’urubyiruko rw’abanyarwanda rwinshi rwaciye muri ako karere ruhakora igihe rwakoraga akazi k’ibiruhuko (emploi de vacances).


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .