Iki gitaramo cyari gikurikiye icyabereye mu Karere ka Musanze ku wa 24 Gashyantare 2025, cyabereye ahitwa ‘Public Beach’ ku nkengero z’Ikiyaga cya Kivu mu Karere ka Rubavu.

Bitewe n’uko uruhushya ababitegura bari bafite rwari urwo kugeza Saa Yine z’ijoro, abategura ibi bitaramo babonye ko Chriss Eazy yakererewe kuhagera banga kwica amasaha basabye bahitamo gufata icyemezo cyo kutamikoresha, ni mu gihe ariko kandi Mico The Best we yafatiwe n’uburwayi mu Karere ka Rubavu.

Kutaririmba kwa Chriss Eazy na Mico The Best gusobanuye ko abahanzi bataramiye abakunzi babo barimo Senderi Hit, Yampano, Juno Kizigenza, Bwiza ndetse na Bushali.

Ibi bitaramo byatangiriye mu Karere ka Musanze ku wa 25 Gashyantare 2025, byakomereje i Rubavu ku wa 26 Gashyantare 2025 mbere y’uko byerekeza i Huye ku wa 28 Gashyantare 2025.

Bigamije gususurutsa abakunzi b’umuziki baba bitabiriye ibirori bya Tour du Rwanda, biba biyobowe na DJ Brianne afatanyije na Tasha The DJ ndetse na MC Lucky, byitezwe ko bizasorezwa i Kigali ku wa 02 Werurwe 2025.

Abakunzi b'umuziki bari benshi mu gitaramo cya 'Tour du Rwanda Festival' cyabereye mu Karere ka Rubavu

MC Lucky ni we wari uyoboye iki gitaramo

Senderi Hit yatanze ibyishimo ku bakunzi be

Nk'ibisanzwe Abakunzi b'umuziki beretse urukundo rudasanzwe abahanzi babataramiye

Hari abo byasabye kurira igiti kugira ngo birebere neza abahanzi bihebeye

Juno Kizigenza ni umwe mu bahanzi beretswe urukundo ku rwego rwo hejuru

Yampano witabiriye ibi bitaramo ku nshuro ye ya mbere, akomeje kugaragarizwa urukundo rudasanzwe

Bwiza ari mu bahanzi bamaze gutarama inshuro nyinshi muri ibi bitaramo

DJ Brianne ni umwe mu biyambajwe mu kuvangira imiziki abahanzi ku rubyiniro

Bushali ni umwe mu bahanzi bishimirwa bikomeye no hanze y'Umujyi wa Kigali

Amafoto: Kwizera Remy Moses