Tidjara Kabendera yamurikiye inshuti n’umuryango umugabo baherutse gusezerana

Yanditswe na Uwiduhaye Theos
Kuya 24 Ukuboza 2018 saa 06:44
Yasuwe :
0 0

Umunyamakuru Tidjara Kabendera yamurikiye inshuti ze za hafi n’umuryango, umugabo we baherutse kurushinga.

Tidjara ni umunyamakuru ukomeye mu Rwanda ukoreye igihe kinini Ikigo cy’Igihugu cy’Itangazamakuru, RBA.

Ku wa 7 Ukuboza 2018, yakoze ubukwe mu buryo bw’ibanga na Abdul Nasahmad bari barabyaranye abana babiri b’abahungu.

Umwana mukuru wabo yiga muri Kaminuza naho umuto yiga mu mwaka wa Gatandatu w’amashuri yisumbuye.

Ubu bukwe bwabereye muri Tanzania.

Kuri iki Cyumweru tariki 23 Ukuboza 2018, Tidjara yaretse inshuti ze n’umuryango uyu mugabo we bakundanye kuva mu buto bakaza gutandukana.

Ibi birori byari byitabiriwe n’inshuti 35 za Tidjara, byabereye ku Kicukiro mu rugo rwe n’umugabo we mushya.

Icyari cyaratumye batandukana ngo ni ukubera ko uyu mugabo yigeze kubatwa no kunywa ibiyobyabwenge, ariko ubu akaba yarabiretse kandi ari mu nzira nziza.

Ubukwe bwa Tidjara bwakuruye amagambo menshi ku mbuga nkoranyambaga bitewe n’amakuru amwe yari yasakajwe ko yashatse umugabo bwa kabiri [kandi n’ubwo uyu mugabo bari barabyaranye batari barigeze babana mu nzu imwe], bamwe bakavuga ko uyu mugore adashobotse.

Icyo gihe Tidjara yanditse ku rukuta rwe rwa Instagram, ko abantu bamwe bamuvuze ari abatazi ubuzima bwe kandi ‘nta wabuza inyombya kuyomba’.

Yavuze ko ari umuntu nk’abandi ufite umutima, ku bw’ibyo akunda kubaho ubuzima bwe atarebye icyo umuntu runaka yavuga cyangwa yatekereza.

Mu 2008 Tidjara Kabendera yari yarashatse undi mugabo witwa Burakari Abubakar ariko baza gutandukana mu 2015 bafitanye umwana w’umukobwa.

Tidjara n'umugabo bavuze ko kuba bongeye kuba umwe ari iby'agaciro ku buzima bwabo
Abari bitabiriye ibirori bafashe amafoto y'urwibutso n'aba bageni
Tidjara n'umugabo bashyingiranywe basanzwe bafitanye abana babiri (abari ku mpande)
Ibirori bya Tidjara byitabiriwe n'abantu benshi ba hafi ye
Akanyamuneza kari kose ku nshuti n'imiryango y'aba bombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza