Ibi yabigarutseho ku wa 8 Ugushyingo 2024, i Huye, mu gikorwa yifatanijemo na BK Foundation ku bufatanye na UR-Huye, kigamije kwagura imikorere y’ababyiruka kugira ngo barusheho kumenya igikenewe ku isoko ry’umurimo muri gahunda yiswe ’Career Professional Hub’.

The Ben wize Ibinyabuzima n’Ubutabire (Biochimie) mu mashuri yisumbuye, yavuze ko yakuze azi ko azaba umuganga.

Icyakora nyuma yaje kwibonamo impano y’ubuhanzi, ndetse aranabukomeza. Yavuze ko mu ntangiriro byari bigoye kuko habaga harimo ibicantege byinshi, gusa akomeza gutwaza.

Ati" Gutera umugongo ibicantege ni ikintu cya ngombwa cyane kuko n’iyo yaba umwe cyangwa babiri, bashobora kuguca intege ndetse bakanagukomeretsa ugasanga ntukomeje. bisaba gushikama mu byo urimo."

Yakomeje agira ati "Niba wiyumvamo ikintu cyiza cyaguteza imbere, ntihakagire umuntu n’umwe uguhagarika muri cyo."

Uyu muhanzi avuga ko n’ubwo yabaye umuhanzi, yageze mu mahanga aho yakomeje kugira inyota yo kwiga ibijyanye n’ubuganga, dore ko yize ’Public Health’ ndetse akaba akifitemo ibisigisi byo kuzashinga ivuriro kugira ngo agere ku nzozi ze zo kuba umuganga nk’uko yabirotaga akiri umwana.

The Ben, ubu wabaye umuhanzi warenze imbibi z’u Rwanda, yavuze ko ikindi ikintu cyamufashije gukomeza gutwaza, harimo no kugira ikinyabupfura ndetse n’umubyeyi we wakomeje kumugirira icyizere kandi akanamusengera.

The Ben yabwiye urubyiruko rw'abanyeshuri kugira ubudatsimburwa mu cyo biyemeje gukora

The Ben yari kumwe n'uwigeze kuba 'manager' we mu muziki, Muyoboke Alexis

Ni gahunda yari yitabiriwe n'inzego zitandukanye zigira uruhare mu guhanga imirimo barangajwe imbere na BK Foundation

BK Foundation, kimwe mu bigo bya BK Group, ni we muterankunga mukuru wa Gahunda ya 'Career Professional Hub'

Urubyiruko rusaga 3000 rwari rwitabiriye ibi biganiro

Urubyiruko rweretse urugwiro rwinshi The Ben wavuze ko yari amaze imyaka irenga icumi adakandagira muri UR-Huye