Ibi byabereye mu gitaramo cyo kumurika iyi album cyabereye mu Mujyi wa Bruxelles mu ijoro ryo ku wa 8 rishyira u wa 9 Werurwe 2025, aho Bwiza na The Ben basusurukije abakunzi b’umuziki bari bitabiriye ari benshi.

Uretse aba bahanzi abandi barimo DJ Toxxyk na DJ Princess Flor kimwe n’abayoboye igitaramo barimo Lucky na Ally Soudy nabo batanze ibyishimo ku bakunzi b’umuziki.

Bitewe n’uko iyi album bamurikaga itarajya hanze dore ko izasohoka ku wa 28 Werurwe 2025, hari indirimbo nke Bwiza yari yitwaje ari na zo yagurishije abakunzi be bifuzaga kuyumva mbere no kumushyigikira.

Igiciro gito ku wifuzaga kuyigura mbere, cyari ibihumbi 500 Frw icyakora ukaba wayarenza bitewe n’uburyo ushaka gushyigikira uyu muhanzikazi.

Muri kopi zirindwi zaguriwe mu gitaramo hahise haboneka 9500 by’ama-Euro (arenga miliyoni 14 Frw) aya akiyongeraho miliyoni ebyiri z’amafaranga y’u Rwanda, The Ben yaguze iyi album.

Yose hamwe byibuza Bwiza yavuye muri iki gitaramo cyabereye mu Bubiligi agurishije iyi album arenga miliyoni 16 Frw mu gihe nyamara itaranamara kujya ku isoko.

Uretse abo twagarutseho basusurukije abitabiriye iki gitaramo, cyagaragayemo abandi banyamuziki nka Ben Kayiranga wari wavuye mu Bufaransa, Kim Kizito, umunyamakuru wananyuze mu itsinda rya Just Family usanzwe atuye mu Bubiligi, Aline Gahongayire n’abandi benshi.

Ally Soudy yavuye muri Amerika yerekeza i Burayi gushyigikira Bwiza

Abakunzi b'umuziki kwihangana byanze begera urubyiniro

Abazindutse bafashe ibyicaro hakiri kare kugira ngo birebere igitaramo

Aline Gahongayire ni umwe mu bashyigikiye Bwiza muri iki gitaramo

Abakunzi b'umuziki batahanye amashusho y'urwibutso ari benshi

Ally Soudy yayoboraga iki gitaramo afatanyije na Luky

Ben Kayiranga yaturutse mu Bufaransa agiye gushyigikira Bwiza

Angel Diva yari yavuye mu Bufaransa yitabiriye igitaramo cya Bwiza

Bwiza na The Ben bageze aho bafatanya kuririmbana indirimbo 'Best Friend'

Bwiza ni umwe mu bahanzikazi bo mu Rwanda bakunzwe muri Diaspora y'i Burayi

Bwiza yafashijwe n'ababyinnyi babyina gakondo

Bwiza yagize umwanya wo gutaramana n'abakunzi be

Ibyishimo byageze aho birenga abafana

Itorero ry'urubyiruko rutuye mu Bubiligi ryashimishije abakunzi b'umuziki bitabiriye iki gitaramo

DJ Toxxyk yari yatumiwe kuvanga imiziki muri iki gitaramo

Didier Touch ari mu bacurangiye yaba Bwiza na The Ben

Kim Kizito n'umugore we bakoze urugendo rugera ku birometero ijana kugira ngo bitabire igitaramo cya Bwiza

Muyoboke Alex yari muri iki gitaramo

Ntabwo cyari igitaramo cy'abato gusa

Kim Kizito umaze igihe yimukiye mu Bubiligi yaramukije abitabiriye iki gitaramo

The Ben na Bwiza batanze ibyishimo ku bakunzi babo

The Ben ni umwe mu bahanzi bakunzwe mu Bubiligi

The Ben yagaragarijwe urukundo n'abakunzi b'umuziki mu Bubiligi

The Ben yakoreshaga imbaraga nyinshi kugira ngo ashimishe abakunzi be

The Ben yanyuzagamo akabyinana n'abakunzi be

The Ben yaririmbanaga n'abafana be

The Ben yaririmbiye umugore we Uwicyeza Pamella

The Ben yatanze ibyishimo ku bakunzi b'umuziki mu Bubiligi

Umunyamakuru wa IGIHE i Burayi, Karirima ari mu bitabiriye iki gitaramo

Umuryango washinze 'Inkuru z'abato' waguze album ya Bwiza ama-Euro 1000

Uyu mubyeyi yahaye impano umuryango wa The Ben na Pamella

Uwicyeza Pamella yari mu gitaramo cya Bwiza

Umwe mu bafana baguze album, yahise ayishyura ako kanya

Bamwe basigaranaga ifoto y'urwibutso

Amafoto: Uwimana Emmy