Amagana y’abari mu itsinda ryateguye iyi mikino n’abashyitsi bayitumiwemo bari bakoraniye muri Camp Kigali mu ijoro ryo ku wa 1-2 Kamena 2024.

Ni ibirori byitabiriwe n’abantu batandukanye barimo abahanzi, abanyamideli ndetse n’abandi banyuranye bari batumiwe ngo basangire bishimira uburyo imikino ya BAL yagenze.

Imikino ya BAL yasojwe Petro de Luanda yo muri Angola yegukanye igikombe itsinze Al Ahly Benghazi amanota 107-94, mu mukino warebwe na Perezida Kagame na Madamu Jeannette Kagame.

Mu bantu b’ibyamamare bakurikiye iyi mikino harimo umuhanzikazi w’Umunya-Kenya, Victoria Kimani, uwo muri Tanzania Jux, umunyarwenya w’Umunyamerika ukomeue ku isi yose Dave Chapelle, umunya-Nigeria Mr Eazi wubatse izina mu muziki na Maglera Doe Boy uzwi mu myidagaduro muri Afurika y’Epfo.

Mu bandi bitabiriye iyi mikino harimo Boris Frederic Cecil Tay-Natey Ofuatey-Kodjoe wamamaye isi nka Boris Kodjoe muri sinema y’Isi, Bien-Aimé Baraza wamamaye mu itsinda rya Sauti Sol ryo muri Kenya , Adekunle Gold na Sandy Lal usanzwe ari umu-DJ ukomeye uvanga imiziki ya Hip Hop muri Amerika.

Hari kandi Kialana Glover usanzwe ari umukinnyi wa filime ukomeye muri Amerika n’umugore wa Ludacris, Eudoxie Mbouguiengue, umukinnyi wa filime w’Umunya-Kenya Jacky Vike cyangwa se Awinja nawe ni umwe mu bitabiriye imikino ya BAL ndetse agaragaza ko yishimiye kuza mu Rwanda.

Abakinnyi ba filime bakomoka muri Afurika y’Epfo Bontle Moloi na Pearl Thusi wamamaye nka Queen of Sono bari mu bitabiriye imikino ya BAL.

Muri Camp Kigali hari hateguwe aho gufatira ifoto y'urwibutso

Byari ibyishimo ku bakunzi b'umukino wa Basketball bari batumiwe muri ibi birori

Bakiva muri BK Arena bikojeje ku ma hoteli kwitunganya berekeza ahagombaga kubera ibirori bya 'After party'

Ihema rya Camp Kigali ryari ryarimbishijwe

Ikipe ya Petro de Luanda yari yatumiwe kwishimira igikombe cyayo muri ibi birori

Byari ibyishimo kuri Petro de Luanda

Wari umwanya mwiza wo kwishimana nyuma y'iminsi y'akazi kenshi

DJ Loft ni umwe mu basusurukije abari bitabiriye ibi birori

Ihemba ryari ryateguriwemo ibi birori ryari ryakubise ryuzuye

Imikino ya BAL yasize akanyamuneza mu bakunzi ba Basketball

Juma Jux afatira ifoto ahabereye ibi birori

Juma Jux na Maglera Doe Boy umuraperi wo muri Afurika y'Epfo ubwo bari bageze ahabereye ibi birori

The Ben yageze ahabereye ibi birori ari kumwe na Uwicyeza Pamella

Maglera Doe Boy yataramiye abitabiriye ibi birori

Benshi mu nkumi n'ubundi zifashishijwe mu kwamamaza BAL zanatumiwe muri ibi birori

DJ Fully Focus ni we wagombaga gususurutsa abakunzi b'umuziki bitabiriye ibi birori

Ubwitabire muri ibi birori bwari hejuru

Jeannine Noach yari mu batumiwe muri ibi birori

Sacha Kate akigera ahabereye ibi birori

Jeannine Noach na Sacha Kate bafatanye ifoto y'urwibutso