The Ben ategerejwe i Dubai mu gitaramo azahuriramo n’abahanzi b’ibyamamare

Yanditswe na Nsengiyumva Emmy
Kuya 12 Ugushyingo 2019 saa 11:15
Yasuwe :
0 0

Mugisha Benjamin [The Ben] uri mu bahanzi bayoboye abandi mu bafite igikundiro mu muziki, ategerejwe i Dubai mu gitaramo azahuriramo n’ibyamamare muri Afurika.

The Ben mu mpera z’icyumweru gishize nibwo yavuye muri Leta Zunze Ubumwe za Amerika aho asanzwe atuye, yerekeza muri Kenya kurangiza imishinga y’indirimbo afiteyo.

Akigera muri Kenya, The Ben yasubukuye umushinga w’indirimbo ye na Otile Brown uri mu bakomeye mu muziki wa Kenya.

Usibye iyi ndirimbo, uyu muhanzi uri mu bakomeye mu muziki w’u Rwanda ari no kurangiza indi ndirimbo amaze igihe akoranye na Sauti Sol ishobora kujya hanze bidatinze.

The Ben uri muri Kenya azakomereza urugendo rwe i Dubai aho afite igitaramo gikomeye azahuriramo n’abahanzi b’ibyamamare muri Afurika.

Mu kiganiro kigufi yagiranye na IGIHE, The Ben yahamije ko ari muri Kenya aho ari kurangiriza imishinga afiteyo.

Byitezwe ko azahava ku wa Gatatu tariki 13 Ugushyingo 2019 yerekeza i Dubai mu gitaramo One Africa Music Fest yatumiwemo.

Iki gitaramo kizabera ahitwa Festival Arena tariki 15 Ugushyingo 2019, kiyoborwe na Bank W wamamaye mu muziki wo muri Nigeria.

Muri iri serukiramuco hazaririmbamo abandi bahanzi bakomeye barimo Diamond Platnumz, Eddy Kenzo, Wyclef Jean, Tiwa Savage, Tekno, Jah Prayzah, Burna Boy, Teniola Apata, Harmonize, 2Face Idibia, Nandy n’abandi.

Ryabimburiwe n’ibindi bitaramo birimo icyabereye i New York muri Leta Zunze Ubumwe za Amerika ku wa 10 Kanama 2019 aha naho The Ben akaba yarahitwaye neza cyane. Ikindi gitaramo cyabereye i Londres mu Bwongereza ku wa 24 Kanama 2019 gusa aha ntabwo uyu munyarwanda yahataramiye.

The Ben niwe muhanzi wa mbere ukomoka mu Rwanda witabiriye iri serukiramuco rimaze kuba ubukombe muri Afurika no hanze yayo kuko ryitabirwa n’ibihangange mu muziki.

Reba ’Vazi’ indirimbo ya The Ben iri mu zikunzwe cyane aherutse gushyira hanze

The Ben ari mu bahanzi bayoboye abandi mu kugira igikundiro mu Rwanda
The Ben agiye kwitabira iserukiramuco rikomeye rizahuriza abahanzi bakomeye i Dubai
The Ben na Otile Brown umwe mu bakomeye mu muziki wa Kenya bari gukorana indirimbo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza