00:00:00 IGIHE NETWORK KN KINYARWANDA EN ENGLISH FR FRANCAIS

The Ben ategerejwe mu gitaramo i Kigali

Yanditswe na Nsengiyumva Emmy
Kuya 2 July 2022 saa 04:36
Yasuwe :

The Ben uzataramira ku Mugabane w’i Burayi mu mpera za Nyakanga 2022, ategerejwe gutaramira n’i Kigali mu ntangiriro za Kanama 2022.

Amakuru IGIHE ifite ni uko The Ben yatumiwe na East Gold, Sosiyete gutegura imikino y’abakanyujijeho imaze kumenyekana nka ‘Rwanda Re-birth Celebrations’.

Umwe mu baduhaye amakuru utashatse ko amazina ye atangazwa, yagize ati “The Ben ategerejwe mu gitaramo kizaba ku wa 6 Kanama 2022 kuri Canal Olympia. Byose byaremejwe igisigaye ni ukubitangaza mu buryo bweruye.”

Nyuma y’imikino ya ‘Rwanda Re-birth Celebrations’ iri guhuza abakanyujijeho mu Rwanda, byitezwe ko hazakurikiraho igitaramo kizaririmbamo The Ben.

The Ben ategerejwe i Kigali ku wa 6 Kanama 2022 mu gihe tariki 30 Nyakanga 2022 azaba yataramiye muri Suède aho yatumiwe mu birori byo gususurutsa Abanyarwanda batuye ku Mugabane w’u Burayi.

Uyu muhanzi yaherukaga gutaramira mu Rwanda mu birori byinjije Abanyarwanda mu mwaka wa 2020, igitaramo cyabereye muri Kigali Arena icyo gihe yari yakubise yuzuye.

The Ben ategerejwe mu gitaramo i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .