00:00:00 IGIHE NETWORK KN KINYARWANDA EN ENGLISH FR FRANCAIS

The Ben agiye gutaramira i Kampala

Yanditswe na Nsengiyumva Emmy
Kuya 26 May 2022 saa 10:22
Yasuwe :

Nyuma y’iminsi The Ben asohoye indirimbo ‘Why’ yakoranye na Diamond, This is love yakoranye na Rema Namakura, n’izindi zinyuranye zimaze iminsi zigezweho muri Uganda, yatumiwe mu gitaramo agiye gukorera mu Mujyi wa Kampala.

Abinyujije ku rukutwa rwe rwa Instagram, The Ben yateguje abakunzi be batuye muri uyu Mujyi kuzabataramira ku wa 3 Kamena 2022.

Mu magambo ye, The Ben yagize ati “Uganda, murakeka iki?” ubu butumwa bwagiye hanze bukurikira ubundi yari yatangaje ko azatarama ku wa 3 Kamena 2022.

Uyu muhanzi yikirijwe na DJ Spinny uri mu bakomeye i Kampala wamubwiye ati “Reka tubikore muvandi.”

Mu kiganiro na IGIHE, DJ Spinny uri gutegura iki gitaramo yahamije amakuru y’uko The Ben agiye gutaramira i Kampala.

Ati “Ku wa Gatanu tariki 3 Kamena 2022, The Ben azataramira muri Uganda aho azaba asusurutsa abakunzi be bamaze igihe batamubona.”

Iki gitaramo kigiye kubera i Kampala nyuma y’igihe atahakorera ibitaramo, aheruka gutaramira muri iki gihugu mu 2018 ubwo yari yatumiwe muri ‘Blankets&Wine’.

The Ben agiye gutaramira muri Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .