Teta Diana yageze i Kigali, abazwa iby’umugabo babaga mu nzu imwe i Burayi

Yanditswe na Uwiduhaye Theos
Kuya 14 Werurwe 2019 saa 10:43
Yasuwe :
0 0

Umuhanzikazi Teta Diana yageze i Kigali mbere yo kwitabira igitaramo cya Kigali Jazz Junction, avuga ko yari akumbuye bikomeye ku ivuko ndetse anasubiza ibibazo bitandukanye birimo icy’umugabo byavuzwe ko baba mu nzu imwe i Burayi.

Uyu muhanzikazi yageze i Kigali saa mbili z’ijoro ubona ku maso akanyamuneza ari kose.

Mu kiganiro gito yahaye itangazamakuru, yabanje kubazwa uko yiyumva, avuga yishimiye gusubira ku ivuko ku butumire yahawe bwo kuzaririmba mu gitaramo cya Kigali Jazz Junction kizaba ku wa 29 Werurwe.

Uyu muhanzikazi umaze iminsi akorera imishinga ya muzika muri Suede, yavuze ko ateguza abakunzi be kuzaza muri iki gitaramo akabasogongeza icyo abafitiye ndetse akanabumvisha kuri album ye ya mbere yise ‘Iwanyu’, akanabataramira yishimira umunsi mpuzamahanga w’umugore.

Kuri Teta, umuziki nyarwanda uri kugenda utera imbere kandi uri ku rwego rushimishije. Icyo yungutse mu gihe amaze hanze y’u Rwanda ni ubumenyi ndetse yemeza ko umuziki ari kuwukora mu buryo butandukanye n’ubwo yawukoragamo ari mu Rwanda. Ati “Nize byinshi mu bijyanye no kuwukora no kuwucuruza”.

Mu duce yari akumbuye mu Rwanda avuga ko ari i Nyamirambo.

Abahanzi bose bari bari kumwe mu irushanwa rya Primus Guma Guma Super Star ya 2014 avuga ko bibaye byiza bose bahura nawe bakongera bakishimana.

Yabajijwe niba adakumbuye Jules Sentore byanagiye bivugwa ko bakundana, avuga ko ibyo abantu bagiye bamuvugaho byose atari byo.

Ati "Ibyo bavuze ntabwo ari byo Jules ni umuvandimwe ni nka musaza wanjye. Ni bya bindi by’imyidagaduro."

Uyu muhanzikazi yanabajijwe ku by’umuzungu byigeze kuvugwa babana mu nzu imwe, avuga ko bamubeshyera.

Ati “Barambeshyera mu Bubiligi nabaga mu miryango, ayo makuru nanjye yangezeho ntabwo ariyo rwose barambeshyera ngira ngo ni mu rwego rwo gucuruza amakuru atariyo.”

Ku kuba yaba afite inkuru nziza yo kuba afite umukunzi, yavuze ko nta kintu yabivugaho naho ubukwe bwo aracyategereje uwo Imana yamugeneye , ashaka kubanza agakora ibintu bye kuko ari byinshi ahugiyemo.

Teta Diana yeretswe urukundo ageze ku Kibuga Mpuzamahanga cy'Indege cya Kigali
Yijeje abakunzi be ibirori bikomeye muri Jazz Junction

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza