00:00:00 IGIHE NETWORK KN KINYARWANDA EN ENGLISH FR FRANCAIS

Tems yabaye umuhanzi wa mbere muri Afurika waciye agahigo kuri Billboard

Yanditswe na Uwiduhaye Theos
Kuya 11 May 2022 saa 03:39
Yasuwe :

Umuhanzikazi w’Umunya-Nigeria, Temilade Openiyi umaze kumenyekana nka Tems yaciye agahigo ko kuba umuhanzi wa mbee muri Afurika waririmbye mu ndirimbo yaje ku mwanya wa mbere ku rutonde rw’indirimbo 100 za Billboard ruzwi nka ‘100 Hot Chart’.

Tems yaciye aka gahigo abikesheje indirimbo yahuriyemo na Drake na Future bise “Wait For U”. Ni ku nshuro ya kabiri Future abashije kugira indirimbo yabaye iya mbere kuri Billboard 100 Hot Chart mu gihe Tems ari ku nshuro ya mbere, mu gihe Drake ari ku nshuro ya 10.

“Wait For U” ni imwe mu ndirimbo zigize album nshya ya Future yise “I NEVER LIKED YOU’ yagiye hanze ku wa 29 Mata uyu mwaka. Amashusho ya “Wait for u” yagiye hanze ku wa 5 Gicurasi.

Indirimbo ya Tems yaherukaga kuza mu myanya 10 ya mbere kuri Billboard ni iyo yahuriyemo na Wizkid bise “Essence”.

Tems w’imyaka 26 yamenyekanye mu ndirimbo zitandukanye zirimo ‘Crazy things’, ‘Damages’, ‘Try me’, ‘Fountains’ yahuriyemo na Drake n’izindi zitandukanye.

Uyu mukobwa yatangiye kuba ikimenyabose mu 2020, yiharira ikibuga cy’umuziki muri Nigeria mu 2021.

Reba indirimbo Tems yagaragayemo iyoboye izindi ubu kuri Billboard 100 Hot Chart.

Tems yabaye umuhanzi wa mbere muri Afurika waciye agahigo ko kuririmba mu ndirimbo ikaba iya mbere kuri '100 Hot Chart'
Tems ni umwe mu bahanzi bagezweho muri Nigeria

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .