00:00:00 IGIHE NETWORK KN KINYARWANDA EN ENGLISH FR FRANCAIS

Tekno,Nasty C, Fave na Khaligraph Jones bagiye guhurira mu gitaramo i Kigali

Yanditswe na Nsengiyumva Emmy
Kuya 19 June 2022 saa 10:55
Yasuwe :

Abahanzi bafite izina mu muziki wa Afurika barimo Tekno, Nasty C, Fave na Khaligraph Jones bongerewe mu bazataramira abashyitsi bazitabira Inama ya CHOGM, ni mu gitaramo cyateguwe muri Gahunda ya Visit Rwanda, kizanaririmbamo bamwe mu bahanzi bagezweho mu Rwanda.

Ni igitaramo bise ‘Choplife Kigali’ kizaba ku wa 25 Kamena 2022, kikazayoborwa na DJ Neptune uri mu bafite izina rikomeye muri Nigeria ndetse no muri Afurika muri rusange.

Uretse uyu musore, cyatumiwemo abahanzi bakomeye ku mugabane wa Afurika barimo; Tekno, Nasty C, Fave na Khaligraph Jones. Aba bagiye guhurira mu gitaramo n’abarimo Bruce Melodie, Bushali, Kenny Sol, Ariel Wayz, Afrique na Okkama.

Ni igitaramo cyatumiwemo DJ Ira na DJ Toxxyk kikazabera muri BK Arena ku wa 25 Kamena 2022. Kigiye kubera mu Rwanda mu gihe Iruhugiye mu kwakira abashyitsi bitabiriye inama ya CHOGM igomba kubera mu Rwanda kuva ku wa 20 kugeza ku wa 26 Kamena 2022.

Tekno Miles yaherukaga mu Rwanda mu 2017 ubwo yari yatumiwe mu gitaramo cyiswe ‘My 250 concert’ cyabereye muri Camp Kigali.

Nasty C we yaherukaga mu Rwanda mu 2018 ubwo yari yatumiwe mu gitaramo ‘Rock out and party with Nasty C’.

Amatike yo kwinjira muri iki gitaramo yamaze kugera ku isoko aho iyo kwinjira mu myanya y’icyubahiro ari ibihumbi 30 Frw, hakaba itike y’ibihumbi 15Frw mu gihe iya make ari ibihumbi 5Frw yose ari kugurishirizwa ku rubuga rwa Ticqet.rw.

Khaligraph Jones byitezwe ko azaririmbana na Bruce Melodie indirimbo 'Sawa Sawa' baherutse gukorana
Nyuma y'imyaka itanu Tekno agiye kongera gutaramira i Kigali
Nasty C agiye kongera gutaramira i Kigali nyuma y'imyaka ine atahaheruka
Umuhanzikazi Fave ukunzwe muri Nigeria nawe yatumiwe muri iki gitaramo
Ni igitaramo kizayoborwa na DJ Neptune uri mu bakomeye muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .