Ni ibirori byabaye ku wa Gatatu, tariki 11 Nzeri, muri UBS Arena yo mu Mujyi wa New York muri Amerika. Byari byahuruje ibyamamare bikomeye muri Afurika, Amerika y’Amajyepfo, u Burayi na Aziya.

Ibi birori byagombaga kuba ku wa 10 Nzeri ariko byigizwa inyuma bitewe n’uko byahuriranye n’ikiganiro mpaka Kamala Harris yagiranye na Donald Trump.

Abahanzi batandukanye bakomeye muri Amerika no hanze bari babukereye. Muri Afurika, abarimo Abanya-Nigeria Pheelz, Ayra Starr na Lojay ndetse n’Umunyafurika y’Epfo Tyla ni bamwe mu bahanzi bitabiriye ibi birori.

Tyla yari ahatanye mu cyiciro cy’umuhanzi mushya aho yari ahanganye n’abarimo Teddy Swims, Chappell Roan, Shaboozey, Gracie Abrams ndetse na Benson Boone. Iki gihembo cyatwawe na Chappell Roan. Uyu mukobwa kandi yari ahatanye mu bindi byiciro bibiri birimo icy’indirimbo ya RnB ifite amashusho meza ndetse n’icy’umuhanzi mwiza wa Afrobeats yanatwaye.

Ni mu gihe Ayra Starr we yari ahatanye mu gihembo cy’umuhanzi uhiga abandi ukora injyana ya Afrobeats gusa. Yari ahanganye na Tyla wacyegukanye, Davido, Burna Boy, Lojay, Pheelz, Chris Brown, Giveon na Tems.

Abandi bahanzi batwaye ibihembo barimo Taylor Swift, Sabrina Carpenter, Eminen, Megan Thee Stallion wanayoboye itangwa ry’ibi bihembo, Billie Eillish, Umunya-Brésil Annita watwaye icy’umuhanzi mwiza wo muri Amerika y’Amajyepfo, Lisa watwaye icya ‘Best K-Pop Artist’ n’abandi batandukanye.

Indirimbo yitwa “Fortnight” ya Taylor Swift na Post Malone yabahesheje ibihembo bitandukanye birimo icy’indirimbo nziza yo mu mpeshyi, ituma Taylor ahabwa ’icy’Umuhanzi w’Umwaka’ ari na cyo nyamukuru, icy’indirimbo nziza yahuriwemo n’abahanzi batandukanye, ‘Best Direction’, ‘Best Video of the Year’ na ‘Best Editing’.

Taylor Swift yari ahatanye mu byiciro 12 ndetse nyuma y’ibihembo yegukanye, yakuyeho agahigo ka Beyoncé wari ubitse ibikombe byinshi bya MTV VMAs kuko yahise agira 30; mu gihe uyu muhanzikazi we yari afite 25. Yanabaye kandi umuhanzi wa mbere utwaye igihembo cya ‘Best Video of the Year’ inshuro eshanu yikurikiranya.

Ubwo Taylor Swift yajyaga kwakira iki gihemboncy’indirimbo y’umwaka ifite amashusho meza, yashimiye umukunzi we Travis Kelce, ati “Ikintu cyose uyu mugabo akozeho, gihinduka ibyishimo.”

Abahanzi basusurukije abitabiriye ibi birori barimo Megan Thee Stallion, Eminem wagiye ku rubyiniro ari kumwe n’abasore benshi basa nka we, Shawn Mendes, Katy Perry, Benson Boone, Anitta, Karol G, LL Cool J, Camila Cabello, Halsey n’abandi benshi.

Ushaka kureba abegukanye ibihembo wakanda hano.

Busta Rhymes uri iburyo ni umwe mu bitabiriye itangwa ry'ibi bihembo

Addison Rae ni uku yaserutse yambaye

Ayra Starr ni uku yatambutse ku itapi itukura yambaye

Big Sean ni umwe mu bitabiriye itangwa ry'ibi bihembo

Camila Cabello ni uku yaserutse yambaye

Chappell Roan ni uku yaserutse muri ibi birori

Chappell Roan yaririmbye muri ibi birori ndetse anahabwa igihembo cy'umuhanzi mushya mwiza

Coco Jones ni uku yaserutse yambaye

Dj Khaled ni umwe mu bitabiriye ibi birori

Doechii wamamaye mu bihangano bitandukanye ni uku yari yambaye

Eminem yatunguranye ubwo yaririmbaga akazana ku rubyiniro abasore benshi basa nka we

Halle Bailey yitabiriye itangwa ry'ibi bihembo bikomeye muri Amerika

French Montana ni uku yaserutse yambaye

Halsey yataramiye abitabiriye ibi birori

Karol G ni uku yaserutse yambaye

Katy Perry na Orlando Bloom ni uku basaga ku itapi itukura

Lil Nas X yaje muri ibi birori yambaye casque

Lenny Kravitz na Quavo baririmbanye indirimbo yabo yitwa 'Fly'

Lisa wamamaye muri Blackpink yo muri Koreya y'Epfo ni uku yaserutse yambaye

Megan Thee Stallion ni umwe mu bigaragaje muri ibi birori

Ubwo Katy Perry yari ku rubyiniro

Megan Thee Stallion wayoboye ibi birori ni uku yatambutse ku itapi itukura yambaye

Megan Thee Stallion yagaragaye yambaye umwambaro wa Britney Spears wamamaye nka ‘Slave 4 U’ muri VMAs mu 2001 mu rwego rwo guha icyubahiro uyu muhanzikazi mugenzi we

Pheelz ni umwe mu bitabiriye itangwa ry'ibi bihembo

Paris Hilton ni umwe mu bitabiriye itangwa ry'ibi bihembo

Pheelz afatana ifoto na Shaboozey

Post Malone na Taylor Swift begukanye ibihembo byinshi muri ibi birori biturutse ku ndirimbo baheruka guhuriramo

Sabrina Carpenter uri ibumoso, yagaragaye ku itapi itukura yambaye ikanzu yambawe na Madonna mu 1991 mu bihembo bya Oscars

Sabrina Carpenter yahawe igihembo

Sabrina Carpenter yatunguranye ubwo yari ku rubyiniro asoma umubyinnyi we wari umeze nk'ikivejuru

Tate McRae yagaragaye atambuka ku itapi itukura yambaye ikanzu imeze nk'iyo Britney Spears yambaye muri MTV VMAs 2001

Tyla ni umwe mu bitabiriye ibi birori ndetse yanegukanye igihembo cya 'Best Afrobeats Artist'

Tyla yegukanye igihembo cy'umuhanzi mwiza uririmba Afrobeats

Umunya-Bresil Annita ni umwe mu bitabiriye ibi birori ndetse yanatwaye igihembo cy'umuhanzi wo muri Amerika y'Amajyepfo mwiza

Ubwo Taylor Swift yageraga ahabereye ibi birori