00:00:00 IGIHE NETWORK KN KINYARWANDA EN ENGLISH FR FRANCAIS

Shaddyboo yasangije abamukurikira amashusho ari kumwe na Larry Gaaga, umuhanzi wo muri Nigeria

Yanditswe na Nsengiyumva Emmy
Kuya 27 Ukwakira 2021 saa 12:55
Yasuwe :
0 0

Uwimbabazi Shadia usanzwe yaramamaye ku izina rya Shaddyboo umaze iminsi muri Nigeria, yasangije abamukurikira amashusho ari kumwe n’umuhanzi Larry Gaaga ufite izina rikomeye muri Nigeria.

Abinyujije ku rukuta rwe rwa Twitter, Shaddyboo yagaragaje amashusho ari kumwe n’uyu mugabo.

Shaddyboo yagize ati "Nishimiye kuba nagiranye ibihe byiza n’umwami Larry Gaaga [...]"

Agishyira aya mashusho ku rubuga rwe rwa Twitter, twifuje kumubaza niba hari umushinga bari gukorana cyangwa hari gahunda bafitanye idasanzwe, icyakora ku murongo wa telefone ntabwo byadukundiye kuko akiri muri Nigeria.

Larry Ndjanefo wamenyekanye ku izina rya Larry Gaaga, ni umuhanzi wo muri Nigeria uzwi cyane mu ndirimbo ‘Gaaga Shuffle’ yakoranye na 2Baba Idibia.

Uyu mugabo watangiye umuziki mu 2012, yatangiye ari umuyobozi wa YSG Entertainment yafashaga umuraperi Olanrewaju Ogunmefun wamenyekanye nka Vector.

Mu 2017 nibwo indirimbo hasohotse indirimbo ‘Gaaga Shuffle’ Larry Gaaga yakoranye na 2 Baba Idibia.

Mu 2018 Larry Gaaga yasohoye indirimbo eshanu zakunzwe zirimo ‘Wonderful’ yakoranye n’abarimo Wande Coal na Sarkodie, ‘Doe’ yakoranye na Davido akorana n’abandi bahanzi barimo Burna Boy, D’Banj n’abandi benshi.

Muri uyu mwaka ariko kandi nibwo Gaaga yasinye amasezerano y’imikoranire na Universal Music Group.

Mu 2019 uyu muhanzi yongeye gukorana n’abahanzi barimo 2 Baba Idibia, Wizkid, Davido, Patoranking,Flavour n’abandi.

Umwaka ushize yakoranye indirimbo ‘Slow Burner’ yakoranye na Joe Boy n’izindi nyinshi.

Mu minsi ishize uyu mugabo uyobora Gaaga Muzik, yasohoye indirimbo ‘Egedege’ yakoranye n’abahanzi barimo; Flavour, Pete Edochie, Theresa Onuorah na Phyno.

Shaddyboo yasangije abamukurikira amashusho ari kumwe na Larry Gaaga, umuhanzi wo muri Nigeria
Larry Ndjanefo wamenyekanye ku izina rya Larry Gaaga, ni umuhanzi wo muri Nigeria wamenyekanye cyane mu ndirimbo ‘Gaaga Shuffle’ yakoranye na 2Baba Idibia
Uwimbabazi Shadia usanzwe yaramamaye ku izina rya Shaddyboo amaze iminsi muri Nigeria

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .