00:00:00 IGIHE NETWORK KN KINYARWANDA EN ENGLISH FR FRANCAIS

Shaddy Boo, King James na K8 barekuwe

Yanditswe na Uwiduhaye Theos
Kuya 3 Kanama 2021 saa 03:58
Yasuwe :
0 0

Ruhumuliza James uzwi nka King James, Muhire William (K8 Kavuyo) na Mbabazi Shadia wamamaye nka Shaddyboo, bafunguwe nyuma y’iminsi itanu bari bamaze bafungiwe kurenga ku mabwiriza yo kwirinda Covid-19.

Ibi byamamare byafashwe tariki 29 Nyakanga 2021 mu Karere ka Rutsiro mu Murenge wa Boneza. Bavugaga ko bari bagiye muri ako karere mu bikorwa by’ubucuruzi mu gihe Polisi yo isobanura ko bafashwe bari kunywa inzoga barenze ku mabwiriza yo kwirinda Covid-19.

Kuri uyu wa Kabiri tariki 3 Kanama 2021, barekuwe nyuma yo kwigishwa no kugirwa inama zo gukomeza kwirinda COVID-19.

Shaddy Boo akiva muri gereza yanditse kuri Instagram agaragaza ko yongeye kugaruka ku mbuga nkoranyambaga.

Ati “Ntuzigere unkubita mu gihe ndi hasi, kubera ko igihe nzabyuka uzahura n’ibibazo. Nagarutse.”

Bose bari bafungiye kuri Sitasiyo ya Polisi ya Gihango mu Karere ka Rutsiro.

Inkuru bijyanye: King James, K8 Kavuyo na Shaddyboo bafashwe barenze ku mabwiriza yo kwirinda Covid-19

Bari bamaze iminsi bigishwa mbere yo kurekurwa
Banasabwe kwipimisha Covid-19 kugira ngo bamenye uko bahagaze
Aho bafatiwe bari bari mu birori barenze ku mabwiriza yo kwirinda Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .