00:00:00 IGIHE NETWORK KN KINYARWANDA EN ENGLISH FR FRANCAIS

Sarkodie na 2 Face Idibia bategerejwe kuririmbira i Kigali

Yanditswe na Nsengiyumva Emmy
Kuya 30 Ugushyingo 2021 saa 07:42
Yasuwe :
0 0

Sarkodie na 2 Face Idibia wubatse izina nka 2Baba bategerejwe kuririmbira i Kigali, aho batumiwe mu nama yiga ku bibazo by’ubuhunzi ku Mugabane wa Afurika.

Akigera i Kigali, Sarkodie yabwiye abamukurikira ku rubuga rwa Twitter ko yifuza umuhanzi wo mu Rwanda bakorana indirimbo.

Ati ’’Ngeze mu Rwanda, ndashaka umuhanzi ugezweho twakorana hano. Mumbwire uwo mutekereza twakorana indirimbo.’’

Uretse uyu muhanzi wamaze kubwira abantu be ko yageze mu Rwanda, IGIHE yamenye amakuru ko na mugenzi we 2 Face Idibia benshi bazi nka 2Baba agomba gutaramira i Kigali mu nama imwe na Sarkodie.

Aba bahanzi bitabiriye Inama y’Abikorera bo hirya no hino muri Afurika yiga ku bibazo by’ubuhunzi kuri uyu Mugabane.

Iyi nama iri kubera muri Kigali Convention Centre kuva ku wa 30 Ugushyingo 2021 kugeza ku wa 2 Ukuboza 2021.

Ni inama yatumiwemo abikorera, Guverinoma z’ibihugu, abaterankunga n’abahagarariye impunzi.

Ni inama yatumiwemo abantu batandukanye barimo n’ibyamamare bindi nka Kagiso Lediga umunyarwenya ufite izina rikomeye muri Afurika y’Epfo.

Uretse uyu ariko kandi iyi nama izanitabirwa na Nomzamo Mbatha ukomoka muri Afurika y’Epfo ufite izina rikomeye muri sinema kimwe n’umunyamakuru wo muri iki gihugu witwa Leanne Manas.

Umunyarwenya wo muri Afurika y'Epfo Lediga Kagiso yatumiwe muri iyi nama
Umunyamakuru Leanne Manas wo muri Africa y'Epfo azitabira iyi nama igiye kubera i Kigali
Umukinnyi wa filime Nomzamo Mbatha uri mu bakunzwe muri Afurika y'Epfo agomba kwitabira iyi nama
Usibye kuba azageza ijambo kubazitabira iyi nama, umuraperi Sarkodie azanabasusurutsa
2Face Idibia uzwi nka 2Baba nawe ategerejwe kuririmba muri iyi nama igiye kubera i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .