00:00:00 IGIHE NETWORK KN KINYARWANDA EN ENGLISH FR FRANCAIS

Samu wifuza kuba Umudepite yahishuye uburyo yakoropye ishuri kubera ifoto ya Butera Knowless

Yanditswe na Nsengiyumva Emmy
Kuya 25 May 2024 saa 08:51
Yasuwe :

Muco Samson wamenyekanye nka Samu wo mu itsinda rya Zuby Comedy, yahishuriye Butera Knowless uburyo yakoropeshejwe ishuri kugira ngo abone ifoto ye, ndetse bikaza kurangira ayicyuye akanayimanika mu cyumba cye.

Uyu musore ushaka kuba umukandida ku mwanya w’umudepite mu Nteko Ishinga Amategeko y’u Rwanda, yabigarutseho mu kiganiro cyabereye ku mbuga nkoranyambaga ubwo Butera Knowless yari ahaye rugari abamukurikira.

Mu ba mbere bahise batanga igitekerezo ku rukuta rwa Instagram rw’uyu muhanzi, harimo Samu wamubariye inkuru y’uko yigeze gukoropeshwa ishuri kugira ngo atahane ifoto ye.

Ati “Kera wigeze gusohoka kuri magazine za Ninyampinga, umukobwa twicaranaga musaba ifoto yawe ansaba ko ndibuze gukoropa mu mwanya we, narabikoze ndayitahana ndara nkumanitse mu cyumba iwanjye.”

Uyu musore yavuze ko mu 2015 ubwo Butera Knowless yatwaraga Irushanwa rya Primus Guma Guma Super Star, yigaga mu mwaka wa kane w’amashuri yisumbuye, abeshya ku ishuri ko arembye maze bamuha uruhushya rwo gutaha, ariko we arukoresha ajya gufana Knowless.

Butera yanyuzwe n’iyi nkuru y’uyu musore, ati "Warakoze cyane ku rukundo pe! Bisobanuye byinshi, ubu agafoto gakurikiyeho ni ako uzampa nanjye nkamanike mu rugo.”

Uyu munyarwenya yibukije Butera Knowless ko nibahura, akwiye kuzamuha amahirwe bagafatana ifoto y’urwibutso.

Samu yahishuye uburyo yakoropye ishuri kubera ifoto ya Butera Knowless
Samu aherutse gutanga ibyangombwa nk'ushaka kuba umukandida ku mwanya w'umudepite mu Nteko Ishinga Amategeko y'u Rwanda
Butera Knowless yashimiye Samu wamweretse urukundo yakuze amukunda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .