Safi Madiba yatangaje ibitaramo bitanu agiye gukorera muri Amerika na Canada

Yanditswe na Nsengiyumva Emmy
Kuya 15 Gashyantare 2020 saa 12:19
Yasuwe :
0 0

Safi Madiba uherutse gutandukana n’inzu ifasha abahanzi ya The Mane kuri ubu ari mu myiteguro yo kwerekeza muri Leta Zunze Ubumwe za Amerika no muri Canada mu bitaramo bitanu yanamaze gutangaza.

Amakuru y’ibitaramo bya Safi Madiba yatangajwe na nyir’ubwite wanamaze gutangaza amatariki azataramira muri ibi bihugu.

Mu bitaramo agiye gukora, tariki 2 Gicurasi 2020 azaririmba muri Maine ho muri Leta Zunze Ubumwe za Amerika, tariki 8 Gicurasi 2020 ataramire mu mujyi wa Ottawa ho muri Canada mu gihe bukeye bwaho azahita ataramira muri Amerika ahitwa Bufalo mu mujyi wa New York.

Usibye ibi bitaramo bibiri, tariki 15 Gicurasi 2020 uyu muhanzi azataramira mu mujyi wa Edmonton ho muri Canada naho tariki 16 Gicurasi 2020 ataramire Kentucky ho muri Leta Zunze Ubumwe za Amerika mu iserukiramuco ryitwa One Africa Fest.

Urugendo rwa Safi Madiba ruvuzwe mu gihe uyu muhanzi yari amaze iminsi atoroheranye n’ubuyobozi bwa The Mane buvuga ko hari ibyo bumwishyuza nyuma yo gutandukana.

Nubwo yahisemo guceceka kuri iki kibazo, akunze guhamya ko The Mane idakwiye kumwishyuriza mu itangazamakuru ahubwo yakabaye igana inkiko.

Mu minsi ishize yanyomoje The Mane yari yakumiriye ibihangano bakoranye ahita ashyira hanze inyandiko zigaragaza ko ari ibye ndetse byanditswe muri RDB.

Ibitaramo bitanu Safi Madiba agiye gukorera muri Amerika na Canada

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza