Safi Madiba yasohoye indirimbo nshya ‘Muhe’ yatanze nk’impano ya Noheli n’Ubunani

Yanditswe na Nsengiyumva Emmy
Kuya 26 Ukuboza 2020 saa 09:05
Yasuwe :
0 0

Niyibikora Safi wiyise Madiba yasohoye indirimbo nshya yise “Muhe”, nk’impano yageneye abakunzi be muri ibi bihe by’iminsi mikuru ya Noheli n’Ubunani.

Safi Madiba wimuriye ibikorwa bye by’umuziki muri Canada aho asigaye atuye, yatangaje ko indirimbo ye ‘Muhe’ ari impano ahaye abakunzi be muri iki gihe cy’iminsi mikuru ya Noheli n’Ubunani, ikaba iya 12 kuri Album ye ya mbere ‘Back to life’ amaze imyaka itatu akoraho.

Ni imwe mu ndirimbo uyu muhanzi yakoreye muri ‘Nukuri Music’, sosiyete itunganya umuziki inafasha abahanzi uyu muhanzi aherutse gufungura.

Album ‘Back to life’ izaba iriho izindi ndirimbo nka ‘Got it’, ‘Kimwe kimwe’, ‘Good Morning’, ‘Nisamehe’ yakoranye na Riderman ‘Fine’ yakoranye na RayVanny, ‘Ina Million’ yahuriyemo na Harmonize, ‘Igifungo’, n’izindi.

Muri uwo mwaka uyu muhanzi yari yabwiye IGIHE ko ateganya gukora album izaba igizwe n’indirimbo ziganjemo izivuga ku bibazo yaciyemo, uko abayeho n’ahazaza he n’ibindi abantu bamwibazaho.

Safi Madiba yasohoye indirimbo nshya, impano ya Noheli n'Ubunani yahaye abakunzi be

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .