Uyu muhanzi yageze mu Mujyi wa Lyon tariki 7 Ugushyingo 2024, mu gihe igitaramo cye cyari giteganyijwe ku wa 9 Ugushyingo 2024.

Nyuma yo kurangiza iki gitaramo, Safi Madiba yatangiye gutembera umujyi wa Paris mbere yo gusubira muri Canada aho asanzwe atuye, ni mu gihe ku rundi ruhande akomeje imyiteguro yo gutaha mu Rwanda.

Ibi bitaramo bya Safi Madiba byatangiriye muri Leta Zunze Ubumwe za Amerika mu bitaramo yakoreye muri Leta ya Washington muri Leta Zunze Ubumwe za Amerika, aho yataramiye ku wa 31 Kanama 2024 ndetse no muri Leta ya Arizona aho yataramiye ku wa 4 Ukwakira 2024.

Mu minsi ishize Safi Madiba yavuze ko nubwo muri iyi minsi ahugiye mu bitaramo bitandukanye bitazamubuza kujya anyuzamo agaha abakunzi be ibihangano bishya.

Ati “Mfite indirimbo nyinshi ntarasohora, nibyo koko navuga ko mpugiye mu bitaramo bizenguruka ahantu hatandukanye ariko uko nzajya nshobozwa n’umwanya nzajya mbona nzagerageza kubaha ibihangano bishya.”

Ubwo Safi Madiba yari ageze i Lyon yitabiriye igitaramo yahakoreye

Igitaramo cya Safi Madiba i Lyon cyitabiriwe n'amagana y'Abanyarwanda bahatuye

Safi Madiba akomeje kurira ubuzima mu Mujyi wa Paris

Byitezwe ko Safi Madiba agomba gutaha i Kigali mu minsi ya vuba