Safi Madiba agiye gutaramira muri Canada na Leta Zunze Ubumwe za Amerika

Yanditswe na Nsengiyumva Emmy
Kuya 23 Mutarama 2020 saa 09:08
Yasuwe :
0 0

Safi Madiba uherutse gutandukana n’inzu ifasha abahanzi ya The Mane kuri ubu ari mu myiteguro yo kwerekeza muri Leta Zunze Ubumwe za Amerika no muri Canada mu bitaramo.

Amakuru y’ibitaramo bya Safi Madiba yatangajwe na nyir’ubwite nyuma y’uko yari amaze gushyira hanze amatangazo ateguza abakunzi b’umuziki batuye muri ibi bihugu ko agiye kuhataramira.

Mu kiganiro na IGIHE, Safi Madiba yavuze ko impamvu nta matariki cyangwa aho ibitaramo bizabera yigeze atangaza ari uko hari ibikiri kuganirwaho.

Ati” Hari ibitaramo bimwe twemeje ariko hari ibikomeje kuganirwaho kuko si igitaramo kimwe ngiye gukorayo. Mfite ibitaramo birenze kimwe rero turi kuganira n’abari kubitegura mu bice bitandukanye.”

Safi Madiba yavuze ko abaye ateguje abakunzi be ibi bitaramo kuko ibiganiro bikomeje kugenda neza ariko ibijyanye n’amatariki cyangwa aho bizabera bizatangazwa mu minsi iri imbere.

Uru rugendo rwa Safi Madiba ruvuzwe mu gihe uyu muhanzi atorohewe n’ubuyobozi bwa The Mane buvuga ko hari ibyo bumwishyuza nyuma yo gutandukana.

Safi Madiba icyakora nubwo yahisemo guceceka kuri iki kibazo akunze guhamya ko The Mane idakwiye kumwishyuriza mu itangazamakuru ahubwo yakabaye igana inkiko.

Uyu muhanzi ashinja The Mane kwica nkana amasezerano bagiranye bityo kuba batandukana we asanga nta kibazo kibirimo.

Safi Madiba mu minsi ishize yanyomoje The Mane yari yakumiriye ibihangano bakoranye ahita ashyira hanze inyandiko zigaragaza ko ari ibye ndetse byanditswe muri RDB.

Reba hano indirimbo "Fata Amano" Safi Madiba aherutse kuririmbana na Platini wo mu itsinda rya Dream Boys

Safi Madiba agiye gutaramira muri Canada na Leta Zunze Ubumwe za Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .