Rwanda International Movie Awards yahawe abayobozi bashya

Yanditswe na Nsengiyumva Emmy
Kuya 26 Ukuboza 2020 saa 08:08
Yasuwe :
0 0

Rwanda International Movie Awards yamaze guhabwa ubuyobozi bushya, nkuko bigaragara mu itangazo ryashyizwe hanze na Ishusho Arts Organisation, itegura ikanashyira mu ngiro iki gikorwa cyo gushimira abahize abandi kwitwara neza mu ruganda rwa sinema.

Nk’uko iri tangazo ryashyizwe hanze ribigaragaza, Ishusho Arts Organisation bashyizeho ubuyobozi bushya bwa Rwanda International movie Awards muri gahunda y’imyaka itatu bihaye (2021-2024) yo kuzamura urwego rw’ibi bihembo.

Abahawe imirimo muri Rwanda International Movie Awards ni Jean Claude Mbera, Umuyobozi ushinzwe ibikorwa rusange na Theodore Ishimwe uzaba ashinzwe ishyirwa mu bikorwa ry’imirimo yo gutanga ibihembo.

Jackson Mucyo Havugimana umuyobozi wa Ishusho Arts aganira na IGIHE, yavuze ko byakozwe mu rwego rwo gushaka uko itangwa ry’ibi bihembo ryaba ryiza kurusha uko ryari risanzwe.

Ati “Ni ibihembo bisigaye bitangwa ku rwego mpuzamahanga, niba rero twifuza gutegura ibyiza kurusha ibyabanje ni byiza ko twongera n’ikipe dukorana kandi buri wese agahabwa inshingano.”

Ikindi yavuze cyatumye bashyiraho ubuyobozi bushya bwa Rwanda International Movie Awards, ni uko Ishusho Arts ifite ibikorwa byinshi ku buryo bumvaga batandukanya ibikorwa ngo birusheho gutanga umusaruro.

Igikorwa cya mbere cya Rwanda Movie Awards cyabaye mu 2012. Byitezwe ko mu mpeshyi ya 2021 ari bwo hazatangwa iby’umwaka utaha, byigijwe inyuma kubera icyorezo cya Covid-19.

Jean Claude Mbera, Umuyobozi ushinzwe ibikorwa rusange muri Rwanda International Movie Awards
Theodore Ishimwe azaba ashinzwe ishyirwa mu bikorwa ry’imirimo yo gutanga ibihembo muri Rwanda International Movie Awards
Ibi bihembo byitabirwa n'ibyamamare bitandukanye muri Sinema
Jackson Mucyo uyobora Ishusho Art yavuze ko bifuza kuzamura urwego ibi bihembo biriho
Abahize abandi muri Sinema nyarwanda bahabwa ibihembo buri mwaka muri Rwanda International Movie Awards

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .