00:00:00 IGIHE NETWORK KN KINYARWANDA EN ENGLISH FR FRANCAIS

Rocky yatangiye gucururiza kuri internet filime zisobanuye

Yanditswe na Nsengiyumva Emmy
Kuya 17 January 2022 saa 03:29
Yasuwe :

Uwizeye Marc uzwi nka Rocky Kirabiranya cyangwa Kimomo, ni umusore umaze kubaka izina mu gusobanura filime. Ubu yatangije urubuga rwa internet abakunzi bazo bajya bazireberaho.

Ni igitekerezo uyu musore avuga ko yagize ubwo icyorezo cya Covid-19 cyari kimaze kugera mu Rwanda, ibikorwa by’ubucuruzi bifunze no kongera guhuriza abantu mu byumba bareberamo sinema bitagikunze.

Icyo gihe uyu musore afatanyije n’ikipe bakorana, yigiriye inama yo gukora ku buryo akazi ke katazahagarara bitewe n’iki cyorezo.

Mu kiganiro na IGIHE, Rocky yagize ati “Urumva ubwo icyorezo cya Covid-19 cyageraga mu Rwanda, cyabangamiye cyane akazi kacu. Abacuruza filime barafungiwe, ibyumba zerekanirwagamo birafunga bituma nibaza uburyo iki kibazo cyakemuka burundu.”

Yigiriye inama yo gukora urubuga ‘Agasobanuye Films’ azajya acururizaho filime.

Umuntu ushaka kurebera filime kuri uru rubuga bimusaba kugura ifatabuguzi ry’ukwezi hifashishijwe. Rigura 7000 Frw rikishyurwa hifashishijwe uburyo busanzwe bukoreshwa mu kwishyura kuri internet.

Rocky yavuze ko yaba abantu batuye mu Rwanda cyangwa hanze yarwo bashobora kugura ifatabuguzi ku rubuga rwe mu buryo bworoshye.

Kugeza ubu urubuga rwa Rocky ruriho filime zirenga 500 z’ubwoko butandukanye.

Uretse izo Rocky aba yasobanuye, yavuze ko yatangiye kwakira na filime z’abandi basobanuzi, kugeza ubu hakaba hariho iz’abarimo Savimbi n’undi witwa VJ Remy.

Uretse aba basobanuzi bari gukorana na Rocky, yahishuye ko yatangiye gushyiraho na filime zasobanuwe na Yanga.

Ati “Filime za Yanga wasangaga zifite amashusho agaragara nabi, byansabye gushaka ameza nyahuza na rya jwi rye. Abaguze ifatabuguzi ku rubuga bazongera kureba filime ze ariko zisa neza.”

Rocky Kirabiranya yafunguye urubuga acururizaho flime zisobanuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .