00:00:00 IGIHE NETWORK KN KINYARWANDA EN ENGLISH FR FRANCAIS

Rihanna yashyizwe ku rutonde rwa ‘Forbes’ rw’abatunze miliyari y’Amadorali

Yanditswe na Umwali Zhuri
Kuya 6 April 2022 saa 08:35
Yasuwe :

Bwa mbere mu mateka ikinyamakuru cya Forbes cyashyize Rihanna ku rutonde rwacyo rw’abantu batunze miliyari y’Amadorali.

Rihanna ashyizwe kuri uru rutonde nyuma y’umwaka bitangajwe ko yagize umutungo ubarirwa muri miliyari y’Amadorali. Uru rutonde rushya kandi rugaragaraho Peter Jackson.

Rihanna amaze kwandika izina mu njyana ya Pop mu gihe Peter Jackson we ari umwe mu banditse izina mu gutunganya filimi muri Leta Zunze Ubumwe za Amerika.

Binjiye ku rutonde rw’abatunze miliyari y’amadolari bakurikiye Kanye West na Jay-Z nabo barumazeho igihe.

Uru rutonde rushyira Rihanna ku mwanya wa 1729 mu gihe Peter ari ku wa 1929 mu bantu bakize ku Isi.

Rihanna bibarwa ko atunze umutungo wa miliyari 1,7$ yakuye mu bushabitsi bwe bw’ibirungo bya Fenty Beauty.

Ni Sosiyete afatanyije na LVMH aho bivugwa ko yinjije asaga miliyoni 550$ mu 2020.Automatic word wrap. Afite kandi imigabane ingana na 30% muri Savage x Fenty ikora imyenda y’imbere y’abagore, aho mu 2021 bibarwa ko agaciro kayo kageze kuri miliyoni 1$.

Rihanna witegura kwibaruka imfura ye, ni we muntu wa mbere wo muri Barbados utunze miliyari y’amadolari.

Ku rundi ruhande, Peter Jackson we yatunze miliyari y’amadolari nyuma yo kugurisha imigabane ya Sosiyete ye itunganya filimi yitwa Weta kuri Unity Software agahabwa miliyari 1,6$.

Kanye West ubu abarirwa umutungo wa miliyari 2$ ndetse ari ku mwanya wa 1513 ku rutonde rw’abaherwe ba mbere ku Isi nyuma y’amasezerano yasinyanye na Adidas yo gukora inkweto za Yeezy.

Ni mu gihe Jay-Z we abarirwa umutungo wa miliyari 1,4$ aho ari ku mwanya wa 2076 ku rutonde rw’abaherwe ba mbere ku Isi.

Rihanna yashyizwe ku rutonde rwa ‘Forbes rw’abatunze miliyari y’Amadorali
Peter Jackson yinjiye ku rutonde rw'abatunze miliyari y'Amadolari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .