00:00:00 IGIHE NETWORK KN KINYARWANDA EN ENGLISH FR FRANCAIS

Rihanna yabaye umuhanzikazi wa mbere ukize ku Isi

Yanditswe na Uwiduhaye Theos
Kuya 4 Kanama 2021 saa 08:54
Yasuwe :
0 0

Umuhanzikazi Robyn Rihanna Fenty uzwi mu muziki nka Rihanna yatangajwe nk’umuhanzikazi wa mbere ukize ku Isi, nyuma yo kwinjira mu rutonde rw’abatunze miliyari y’amadorali.

Rihanna yabaye umuhanzikazi wa mbere ukize ku Isi nyuma y’urutonde rwashyizwe hanze na Forbes Magazine isanzwe izwiho gukora intonde ziganjemo izivuga ku butunzi bw’ibyamamare.

Uyu muhanzikazi w’imyaka 33 ntabwo ubukungu bwe bushingiye ku muziki ahubwo umubare munini wabwo, wegamiye kuri Sosiyete ye ya Fenty Beauty.

Forbes yatangaje ko miliyari imwe na miliyoni 700 by’amadorali Rihanna atunze byose byakomotse cyane cyane kuri iyo sosiyete kuko yo afitemo miliyari 1,4$. Iyi sosiyete ikora ibijyanye na ‘make up’ n’ibindi bijyanye no kongera ubwiza.

Iki kinyamakuru cyatangaje ko afite 50% muri Fenty Beauty mu gihe kandi anafite miliyoni 270$ muri Savage X Fenty yashinze ikora imyambaro y’imbere y’abagore.

Umutungo wa Rihanna kandi na none yawukomoye mu gukina filime no kuririmba kuko ari umwe mu bahanzi bakunzwe ku Isi kuva agitangira kugeza n’uyu munsi. Rihanna ni uwa kabiri mu bagore b’ibyamamare bakize nyuma ya Oprah Winfrey ufite umutungo mbumbe wa miliyari 2,7$.

Muri Gashyantare Rihanna na Sosiyete ya LVMH [LVMH Moët Hennessy – Louis Vuitton SE] basanzwe bakorana bahisemo guhagarika ‘Fenty’ ikora ibijyanye no guhanga imyambaro kubera ibibazo byatewe na COVID-19 bakita cyane kuri Fenty Beauty.

Amafaranga Rihanna akoresha mu bushabitsi ni ayo yagiye akura mu muziki
Rihanna yabaye umuhanzikazi ukize kurusha abandi
Uyu muhanzikazi akundwa na benshi ku Isi yose

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .