Riderman, Social Mula na Marina basusurukije abitabiriye igitaramo bakoreye mu Bubiligi (Amafoto)

Yanditswe na Karirima A. Ngarambe
Kuya 24 Gashyantare 2020 saa 07:15
Yasuwe :
0 0

Abanyarwanda n’inshuti zabo batuye, biga cyangwa bakorera mu Bubiligi no mu nkengero zabwo, tariki ya 22 Gashyantare basusurukijwe n’abahanzi bakunzwe mu Rwanda barimo Marina, Social Mula na Riderman.

Aba bahanzi bacurangirwaga na DJ Princess Flor wavanze indirimbo mu buhanga asanzwe azwiho, afatanyije na Dj Toxxyk wari waturutse i Kigali.

Social Mula niwe wabanje ku rubyiniro, akurikirwa na Marina hasoza Riderman basusurukije abantu bakabakaba igihumbi bari bitabiriye iki gitaramo biganjemo urubyiruko rwari rwaturutse mu gihugu cy’Ububiligi n’ibindi bituranye.

Iki gitaramo cyatewe inkunga na RwandAir, inafite ibiro i Bruxelles mu Bubiligi aho ikorera ingendo eshatu mu cyumweru, Kigali-Bruxelles, Bruxelles-Kigali, kuwa Kabiri, kuwa Kane no kuwa Gatandatu.

RwandAir yakoresheje tombola y’itike y’indege yo gutembera mu bice 29 iyi kompanyi ikoreramo ingendo, yegukanywe na Teta Armella.

Gutera inkunga iki gitaramo kwa RwandAir, ni imwe mu nzira yo kwereka Abanyarwanda batuye i Burayi ibyiza by’iterambere ry’u Rwanda by’umwihariko iyi sosiyete ikora ubwikorezi bwo mu kirere.

Iki gitaramo cyateguwe na Team Production imenyereye gutegura ibitaramo no guha umwanya abahanzi b’Abanyarwanda n’abandi banyafurika baturuka hirya no hino, ngo bagaragaze injyana y’iwabo, itewe inkunga na RwandAir.

Iki gitaramo cyabereye ahitwa Birmingham Place, 112 Rue de Birmingham Straat, 1070 Anderlecht ku wa 22 Gashyantare 2020, cyatangiye guhera saa mbiri z’umugoroba kigeza mu gitondo.

Social Mula niwe wabanje ku rubyiniro
Social Mula aririmbira abakunzi be i Burayi
Abanyarwanda bari bizihiwe muri iki gitaramo
Social Mula imbere y'abakunzi be
Byari ibyishimo mu bakunzi b'umuziki bari biboneye Social Mula
Bari gufatana ifoto y'urwibutso
Marina ku rubyiniro
Aririmbana n'abakunzi b'umuziki we
Ubwo hakorwaga tombora ya Rwandair. Justin Karekezi (Ubanza ibumoso) niwe uyobora Team Production yateguye iki gitaramo
Uhereye ibumoso; Charles Gashumba uhagarariye Rwandair mu Bubiligi, Teta Armella watsindiye itike ya Rwandair, Pulchérie Nyinawase na Marco Van Nieuwerk
Riderman ageze ku rubyiniro ibintu byabaye nk'ibihindutse
Riderman yarishimiwe cyane muri iki gitaramo
Riderman yishimiye kuririmbira bwa mbere mu Bubiligi
Riderman yaririmbanye n'abakunzi b'umuziki we

Amafoto: Jessica Rutayisire


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .